دوحہ (مرکزاطلاعات فلسطین فاؤنڈیشن) اسلامی تحریک مزاحمت “حماس” کے رہنما طاہر النونو نے کہا ہے “جنگ بندی اور قیدیوں کے تبادلے کے معاہدے کے دوسرے مرحلے کے لیے بات چیت ابھی شروع نہیں ہوئی ہے”۔
انہوں نے ایک میڈیا انٹرویو میں مزید کہا کہ “ہم نے فوری طور پر دوسرے مرحلے کے مذاکرات شروع کرنے کی ضرورت پر زور دیا۔ ثالث کا کردار معاہدے کی راہ میں حائل رکاوٹوں کو دور کرنا ہے”۔
الجزیرہ سیٹلائٹ چینل کے مطابق انہوں نے نشاندہی کی کہ “انسانی ہمدردی کا حصہ قیدیوں کے معاملے اور جنگ بندی سے منسلک ہے”۔
انہوں نے مزید کہاکہ “ہم جنگ بندی کے معاہدے کو آگے بڑھانا چاہتے ہیں اور ہم چاہتے ہیں کہ قابض اسرائیل بغیر کسی کمی کے اپنی ذمہ داریاں پوری کرے”۔
انہوں نے “دوسرے مرحلے کے مذاکرات میں تاخیر” کا ذمہ دار اسرائیل کو ٹھہرایا۔
حماس نے کل جمعرات کو کہا تھا کہ وہ “غزہ میں جنگ بندی کی شرائط کے مطابق ثالثوں کی جانب سے موبائل گھر، بھاری ساز و سامان اور دیگر اشیا کی فراہمی شروع کرنے کے وعدے کے بعد طے شدہ ٹائم ٹیبل کے مطابق قیدیوں کے تبادلے سمیت دیگر ذمہ داریاں ادا کرے گی۔
انہوں نے مزید کہا کہ “مصر اور قطر میں نے تصدیق کی کہ وہ رکاوٹوں کو دور کرنے اور خلا کو ختم کرنے کے لیے تمام تفصیلات پر عمل کر رہے ہیں”۔
