فلسطین میں قیدیوں کے حقوق کے لیے سرگرم اداروں کا کہنا ہے کہ اسرائیلی قابض حکام نے 31 خواتین قیدیوں سمیت 4,900 فلسطینیوں کو عقوبت خانوں میں ڈال رکھا ہے جن میں 18 سال سے کم عمر کی ایک لڑکی سمیت 160 بچے بھی قید ہیں۔
اسیران کے لیے سرگرم کمیشن برائے اسیران امور، اسیران کلب، قیدیوں کی دیکھ بھال اور انسانی حقوق کے لیے ضمیر ایسوسی ایشن، وادی حلوہ سینٹر یروشلم نے قیدیوں کے دن کے موقع پر ایک رپورٹ میں کہا اسرائیلی جیلوں میں قید فلسطینی قیدیوں میں 1000 سے زاید انتظامی قید کےتحت پابند سلاسل ہیں جن میں چھ بجے اور دو خواتین بھی شامل ہیں۔
انہوں نے نشاندہی کی کہ واحد تغیر جو موجود ہے وہ یہ ہے کہ قابض حکام اور ان کے مختلف اداروں نے بدسلوکی کی اور تشدد کے ڈھانچے کے ذریعے اپنی خلاف ورزیوں کو مزید گہرا کرنے کے لیے کام کیا ہے جس کا مقصد فلسطینی قیدیوں کو ان کے بنیادی حقوق سے محروم کرنا ہے۔
رپورٹ میں کہا گیا ہے کہ اوسلو پر دستخط سے قبل گرفتار کیے گئے پرانے قیدیوں کی تعداد 23 ہے، اس کے علاوہ وفاء الاحرار معاہدے میں آزاد ہونے والے 11 قیدیوں کو قابض حکام نے دوبارہ گرفتارکرکے جیل میں ڈال دیا۔
رپورٹ میں کہا گیا ہےکہ 20 سال سے زیادہ عرصہ گذارنے والے قیدیوں کی تعداد 400 تک پہنچ گئی ہے، جنہیں قیدیوں کے قائدین کے طور پر جانا جاتا ہے، اس کے علاوہ 2014 میں دوبارہ گرفتار کیے گئے درجنوں رہائی پانے والے قیدیوں کی تعداد 400 تک پہنچ گئی ہے۔
عمر قید کی سزا پانے والے قیدیوں کی تعداد 554 تک پہنچ گئی، سب سے زیادہ قیدی عبداللہ البرغوثی ہیں جنہیں 67 بار عمر قید کی سزا سنائی گئی۔
سنہ 1967ء سے لے کر اب تک تحریک اسیران کے شہداء کی تعداد 236 تک پہنچ گئی ہے، اس کے علاوہ سینکڑوں ایسے قیدی بھی شامل ہیں جو جیلوں سے ورثے میں ملنے والی بیماریوں سےرہائی کے بعد شہید ہوئے۔
رواں سال کے آغاز سے اب تک گرفتاری کے تقریباً 2300 کیسز درج کیے ہیں۔ حراست میں لیے گئے بچوں کی تعداد 350 سے زائد ہو چکی ہے، جن میں سے زیادہ تر کا تعلق یروشلم سے ہے، جب کہ گرفتار ہونے والی خواتین اور لڑکیوں کی تعداد 350 تک پہنچ گئی ہے۔
