غزہ (مرکزاطلاعات فلسطین فاؤنڈیشن) اسلامی تحریک مزاحمت (حماس) کے بیرون ملک امور کے سربراہ خالد مشعل نے کہا ہےکہ قابض اسرائیل نہ صرف مذاکرات میں دباؤ ڈالنے کے لیے بلکہ اپنے وقار کو بحال کرنے اور 7 اکتوبر کو ہونے والے واقعے کا بدلہ لینے کے لیے غزہ پر اپنی جنگ دوبارہ شروع کر رہا ہے۔
انہوں نے ان خیالات کا اظہار یروشلم اور فلسطین کی حمایت کے لیے عالمی اتحاد کی جانب سے منعقد کردہ ایک اجلاس سے خطاب میں کیا۔ زوم کے ذریعے اس پروگرام میں 400 شخصیات نے شرکت کی جس میں دوحہ مذاکرات کی پیشرفت، جنگ کی بحالی کے محرکات اور علاقائی استحکام پر اس کے اثرات کے علاوہ غزہ کی حمایت کے لیے عرب اور مسلمان ممالک کی جانب سے مطلوبہ کردار پر تبادلہ خیال کیا گیا۔
حماس کے رہنما خالد مشعل نے کہا کہ تحریک نے وٹ کوف کے منصوبے کو مسترد کر دیا، جس کے ذریعے قابض ریاست دوسرے مرحلے کی ضروریات کو پورا کیے بغیر معاہدے کے پہلے مرحلے کے دوران قید قیدیوں کو واپس کر کے تحریک کو بلیک میل کرنا چاہتا ہے۔ حالانکہ جنگ بندی کےپہلےمرحلے میں پائیدار امن اور غزہ کی پٹی سے مکمل اسرائیلی انخلاء کی سفارشات شامل ہیں۔
مشعل نے وضاحت کی کہ قابض ریاس نے پہلے مرحلے کے سولہویں دن سے جنگ بندی کے معاہدے کی خلاف ورزی کی ہے، جس نے جارحیت کو روکے بغیر اپنے قیدیوں کی بازیابی کے لیے بات چیت کو طول دینے اور غزہ کو ایک ناگوار ماحول میں تبدیل کرنے کے اپنے مذموم ارادے کا اظہار کیا۔
انہوں نے زور دے کر کہا کہ مزاحمت نے امریکی ایلچی اسٹیو وٹ کوف کی تجاویز کا لچک اور مضبوطی کے ساتھ جواب دیا، لیکن پائیدار جنگ بندی اور غزہ کی پٹی سے قابض اسرائیل کے انخلاء کی ضمانت کے بغیر پہلے مرحلے میں توسیع کرنے سے انکار کر دیا۔
مشعل نے خبردار کیا کہ جنگ غزہ کی سرحدوں کے اندر نہیں رہے گی بلکہ اس میں خطے کے ممالک کو شامل کیا جائے گا۔ انہوں نے کہا کہ واشنگٹن قابض ریاست کی بالادستی کو مستحکم کرنا چاہتا ہے اور ان کے درمیان کوئی بھی مختلف حکمت عملی نہیں۔اس سے اسٹریٹجک اتحاد کے جوہر پر کوئی اثر نہیں پڑے گا۔
عالمی اتحاد برائے یروشلم اور فلسطین نے جمعرات کو بیرون ملک حماس تحریک کے سربراہ خالد مشعل کی میزبانی میں ایک زوم میٹنگ کی جس میں دنیا بھر سے تقریباً 400 شخصیات نے شرکت کی۔
انہوں نے نقل مکانی کو مسترد کرتے ہوئے عرب اور مسلمان ممالک کو غزہ کی حمایت کے لیے عملی اقدامات میں تبدیل کرنے کی ضرورت پر زور دیا۔ انہوں نے بڑے پیمانے پر متحرک ہونے، مالی مدد کرنے اور میڈیا کی حمایت کے ذریعے فلسطینی کاز کی حمایت پر زور دیا۔
سرائیل نے جبری ھجرت کا منصوبہ مسلط کرنے کے لیے غزہ پر انتقامی جنگ شروع کی ہے:خالد مشعلخیال رہے کہ قابض اسرائیلی فوج نے مسلسل تیسرے روز بھی غزہ کی پٹی پر اپنی جارحیت کا سلسلہ جاری رکھتے ہوئے وحشیانہ بمباری کی۔ جس کے نتیجے میں تین روز میں 700 سے زائد فلسطینی شہید کیےجا چکے ہیں۔
