غزہ (مرکزاطلاعات فلسطین فاؤنڈیشن) اسلامی تحریک مزاحمت “حماس” کے اسیران میڈیا آفس نے اعلان کیا ہے کہ قابض اسرائیلی جیلوں سے آج 602 فلسطینی قیدیوں کو رہا کیا جائے گا۔ اس طرح “طوفان الاحرار” معاہدے کے پہلے مرحلے کی رہائی پانے والی یہ آٹھویں کھیپ ہے۔
فلسطینی اسیران میڈیا کے ذرائع نے ایک بیان میں کہا ہے کہ غزہ میں فلسطینی مزاحمت کاروں کی جانب سے تبادلے کے معاہدے کے پہلے مرحلے کے تحتآج رہا کیے جانے والے قیدیوں کی فہرست جاری کی ہے۔ قابض حکام عمر قید کے سزا یافتہ 50 قیدیوں سمیت طویل قید کاٹںے والے 60 قیدیوں کو رہا کرکں گے۔ اس کے علاوہ غزہ سے گرفتار کیے گئے445 قیدیوں کو بھی جنہیں 7 اکتوبر 2023 کے بعد گرفتار کیا گیا کو رہا کیا جائے گا۔
قبل ازیں القسام بریگیڈز کے ترجمان ابو عبیدہ نے ان چھ صہیونی قیدیوں کے ناموں کا اعلان کیا جنہیں آج ہفتے کے روز رہا کیا جائے گا۔
ابو عبیدہ نے ایک پریس بیان میں بتایا کہ رہائی پانے والوں میں ایلیا میمون اسحاق کوہن، عمر شیم توف، 3- عمر فنکرٹ، تل چوہام، ایورا مینگیستو اور ہشام السید شامل ہیں۔
قابض صہیونی قیدی کی رہائی کی یہ ساتویں کھیپ ہے، کیونکہ اس سے قبل 19 صہیونی قیدیوں کو 6 مراحل میں رہا کیا گیا تھا۔ اس کے علاوہ جمعرات کو قابض فوج نے دعویٰ کیا تھا کہ ان میں سے ایک لاش اسرائیلی خاتون قیدی کی نہیں تھی۔
قابض صہیونی قیدیوں کے بدلے آج ہفتے کو 600 سے زائد فلسطینی قیدیوں کو اسرائیلی زندانوں سے رہا کیا جائے گا۔
