غزہ (مرکزاطلاعات فلسطین فاؤنڈیشن) اسلامی تحریک مزاحمت ’حماس‘ کے رہنما سامی ابو زہری کا کہا ہےکہ غزہ کی پٹی میں جنگ بندی مفاہمت کے ایک حصے کے طور پر فلسطینی قیدیوں کی ساتویں کھیپ کو رہا کرنے میں قابض اسرائیل کی ناکامی “معاہدے اور اسرائیلی قیدیوں کی قسمت سے کھلواڑ ہے”۔
ابو زہری نے میڈیا کے بیانات میں کہاکہ “ہم کمزور یا شکست خوردہ فریق نہیں ہیں کہ قابض ہم پر اپنی شرائط کا حکم دے، اور نیتن یاہو نہ صرف معاہدے کے ساتھ چھیڑ چھاڑ کر رہا ہے بلکہ اسرائیلی قیدیوں کی قسمت کے ساتھ بھی کھلواڑ کررہا ہے”۔
انہوں نے قیدیوں کی رہائی کے التوا کو ’’احمقانہ اقدام‘‘ قرار دیا۔ زور دیتے ہوئے کہا کہ “نیتن یاہو کو اس کی سنگینی کا ادراک کرنا چاہیے اور ہم ثالثوں سے مطالبہ کرتے ہیں کہ وہ اپنی ذمہ داریاں پوری کریں”۔
انہوں نے مزید کہاکہ “ہم صیہونی قیدیوں کے ساتھ احترام کے ساتھ پیش آتے ہیں، اور قیدیوں کا مزاحمت کار کے سر کو چومنا قابض دشمن کے جھوٹ کا عملی جواب ہے، قیدیوں کے حوالے کرنے میں کوئی جرم یا توہین شامل نہیں ہے۔یہ معاہدہ کسی فاتح اور شکست خوردہ فریق کے درمیان نہیں ہے”۔
انہوں نے مزید کہاکہ “نیتن یاہو بچنا چاہتا چاہے اور چال چلنا چاہتا ہے۔ ہمارے پاس ایسے کارڈز ہیں جنہیں ہم وقت پر استعمال کریں گے‘۔
ایک اور تناظر میں حماس کے رہنما نے خبردار کیا کہ قابض دشمن مغربی کنارے کو ضم کرنا چاہتا ہے۔ہمیں اس منصوبے کا مقابلہ کرنے کے لیے فلسطینیوں کے طور پر متحد ہونا چاہیے”۔
غزہ کی پٹی پر قبضے،اس کے لوگوں کو بے گھر کرنے اور ایک نئی حکومت قائم کرنے کے منصوبوں کے بارے میں انہوں نے مزید کہاکہ “حماس فلسطینی عوام کا حصہ ہے اور جو بھی اسے غزہ سے ہٹانے اور مزاحمت کو غیر مسلح کرنے کا خواب دیکھتا ہے وہ دھوکے میں ہے”۔
