رام اللہ (مرکزاطلاعات فلسطین فاؤنڈیشن) فلسطینی ہلال احمر سوسائٹی کے سربراہ یونس الخطیب نے جمعرات کو کہا ہے کہ غزہ کی پٹی میں انسانی ہمدردی کے کارکنوں کو تحفظ فراہم کرنا ضروری ہے۔
الخطیب نے قابض فوج سے مطالبہ کیا کہ “رفح میں تل السلطان میں لاپتہ ہونے والے ہمارے عملے کے ایک رکن کے بارے میں معلومات فراہم کریں”۔
انہوں نے وضاحت کی کہ رفح میں سلطان محلے کے واقعے سے قبل ایسوسی ایشن نے اپنے عملے کے 30 کارکنوں کو کھو دیا تھا۔اسرائیل غزہ پر ایک ماہ سے زیادہ کی مکمل ناکہ بندی کر رہا ہے”۔
انہوں نے زور دے کر کہا کہ “اسرائیل کی جانب سے غزہ کی پٹی کی ناکہ بندی بین الاقوامی انسانی قانون کی خلاف ورزی ہے۔ہم سلامتی کونسل سے مطالبہ کرتے ہیں کہ وہ غزہ میں قابض ریاست کے جرائم کی آزادانہ تحقیقات کرے”۔
الخطیب نے سلامتی کونسل سے مطالبہ کیا کہ “غزہ میں قابض دشمن کے جرائم کی آزادانہ تحقیقات کرائی جائیں”۔
وزارت صحت کے مطابق گذشتہ اٹھارہ مارچ کو غزہ کی پٹی پر مسلط کی گئی اسرائیلی جارحیت میں اب تک 1,163 فلسطینی شہید اور 2,542 دیگر زخمی ہو چکے ہیں۔ جن میں اکثریت خواتین اور بچوں کی ہے۔
امریکی حمایت سے قابض فوج 7 اکتوبر 2023 سے غزہ میں نسل کشی کر رہی ہے، جس میں 165,000 سے زیادہ شہید اور زخمی ہوئے، جن میں زیادہ تر بچے اور خواتین ہیں اور 14,000 سے زیادہ لاپتہ ہیں۔
