نابلس (مرکزاطلاعات فلسطین فاؤنڈیشن)مقبوضہ مغربی کنارے کے شمالی علاقے میں حومش یہودی بستی کے داخلی دروازے پر قابض فوج کے ساتھ مسلح تصادم کے بعد ایک فلسطینی نوجوان شہید ہو گیا۔
شہری امور کی جنرل اتھارٹی نے فلسطینی وزارت صحت کو مطلع کیا کہ 24 سالہ نوجوان سلیمان فواز ناصر مناصرہ جنین گورنری کے قریب قابض فوج کی فائرنگ
سے شہید ہوا جس کے بعد قابض فوج نے اس کی لاش قبضے میں لے لی۔
عبرانی ذرائع نے نابلس اور جینن شہروں کے درمیان حومش بستی کے قریب فائرنگ کے حملے کے ذمہ دار فلسطینی کو گولیاں مار کر شہید کرنے کی خبر شائع کی ہے۔
چینل 12 نے اطلاع دی ہے کہ کارلو رائفل سے مسلح ایک فلسطینی نے حومش چوکی کے قریب فوج پر گولی چلائی۔
مقامی ذرائع نے بتایا کہ قابض فوج نے حومش چوکی کے قریب بازاریہ گاؤں کے داخلی راستے کو مٹی کے ٹیلوں سے بند کردیا۔
