عبرانی میڈیا نے کہا ہے کہ گذشتہ شب فلسطین کے علاقے غزہ کی پٹی سے سدیروٹ کی طرف راکٹ داغا گیا جسےاسرائیل کے فضائی دفاعی نظام آئرن ڈوم کی مدد سے روک دیا گیا۔
عبرانی چینل 14 نے کہا غزہ کی پٹی سے ایک میزائل داغا گیا تھا اور اسے آئرن ڈوم میزائل نے روک دیا۔
عبرانی ذرائع نے مزید کہا کہ میزائل لانچ 18 سال قبل القسام بریگیڈز کی طرف سے داغے گئے میزائل سے ایک خاتون آباد کار کی ہلاکت کی یادگاری تقریب کےموقعے پر داغا گیا۔
اس تناظر میں انتہا پسند اسرائیلی وزیر برائے قومی سلامتی ایتمار بن گویر نے کابینہ کا ہنگامی اجلاس طلب کیا تاکہ فلسطینیوں کے راکٹ کاجواب دیا جا سکے۔
