غزہ (مرکزاطلاعات فلسطین فاؤنڈیشن) قابض اسرائیلی فوج کی جانب سے غزہ کی پٹی میں بمباری کے دوران القدس الیوم سیٹلائٹ چینل کے صحافی مہدی حسن المملوک کو شہید کردیا۔
القدس الیوم سیٹلائٹ چینل نے سیٹلائٹ براڈکاسٹنگ ڈپارٹمنٹ میں انجینئر المملوک کی شہادت پر گہرے دکھ اور سوگ کا اظہار کیا۔
ٹی وی چینل کی جانب سے غزہ میں قابض صہیونی فاشسٹ فوج کی طرف سے نہتے شہریوں اور صحافیوں کو نشانہ بنانے کی مذمت کرتے ہوئے صحافیوں کے قتل کوجنگی جرم قرار دیا۔
قابض فوج نے مسلسل 402ویں روز بھی غزہ کی پٹی پر اپنی نسل کشی کی جنگ جاری رکھی ہے۔ قابض فوج نے غزہ کے مختلف علاقوں میں مسلسل ہولناک قتل عام جاری رکھا ہوا ہے۔ صحافی مہدی مملوک کی شہادت کے ساتھ سات اکتوبر 2023ء سے غزہ کی پٹی میں شہید ہونے والے صحافیوں کی تعداد 190 ہو گئی ہے۔ ان میں سب سے تازہ ترین شہید صحافی محمد خریص ہیں جو گذشتہ روز اپنے اہل خانہ کے ساتھ نصیرات کیمپ میں اسرائیلی بمباری میں شہید ہوگئے تھے۔
