غزہ (مرکزاطلاعات فلسطین فاؤنڈیشن) قابض اسرائیلی فوج کی جانب سے جمعہ کی شام شمالی غزہ سے مواصلات اور انٹرنیٹ منقطع کرنے کے بعد جبالیہ میں ایک نئے قتل عام میں بیس خواتین سمیت 30 افراد شہید اور 70 زخمی ہوگئے۔ شمالی غزہ کی پٹی میں جبالیہ کیمپ میں نصر چوک کے پیچھے تل الزعتر کے علاقے میں مکانات کی تعداد پر بمباری کی گئی ہے۔
غزہ میں سول ڈیفنس نے اپنے ایک بیان میں کہا ہے کہ قابض صہیونی فوج نے ایک نئے قتل عام میں ہمارے عملے اور طبی خدمات کے کارکنوں نے متعدد گھروں پر اسرائیلی بمباری کے نتیجے میں 25 شہدا اور زخمیوں کو ہسپتالوں میں منتقل کیا ہے۔
عینی شاہدین نے بتایا کہ جبالیہ کیمپ میں نصر جنکشن کے قریب الحوجری خاندان کے گھروں پر بمباری کے بعد ایک بڑا قتل عام ہوا، جہاں بہت سے گھروں کو نشانہ بنایا گیا۔ وہاں پر بے گھر ہونے والے فلسطینیوں کی بڑی تعداد موجود تھی۔
انہوں نے تصدیق کی کہ اس گھر اور آس پاس کے مکانات کو براہ راست نشانہ بنایا گیا، جب کہ العودہ ہسپتال اور کمال عدوان ہسپتال میں تیس شہداء کے جسد خاکی لائے گئے اور ستر سے زائد زخمیوں کو منتقل کیا گیا ہے۔
عینی شاہدین نے بتایا کہ تیس شہداء میں سے بیس بچے اور خواتین بھی شامل ہیں۔
