نیو یارک (مرکزاطلاعات فلسطین فاوؑنڈیشن) غزہ میں اقوام متحدہ کے دفتر برائے انسانی امور (او سی ایچ اے) کی اہلکار یاسمینہ گیرڈا نے بتایا ہے کہ غزہ میں گذشتہ 7 اکتوبر سے اب تک 200 سے زائد انسانی امدادی کارکن مارے جا چکے ہیں۔
گیرڈا نے منگل کو ایک پریس بیان میں وضاحت کی کہ غزہ کی صورتحال “اتنی خراب ہے کہ اسے تعداد میں نہیں ماپا جا سکتا، یہاں تک کہ یہ کسی کے لیے بھی غیر محفوظ علاقہ بن گیا ہے”۔
اس نے مزید کہا کہ “غزہ میں نے پہلی بار ایسی کہانیاں سنی اور دیکھی ہیں جو مُجھے ساری زندگی پریشان کرتی رہیں گی”۔
غزہ پر تازہ ترین غذائی تحفظ کے جائزے سے پتہ چلتا ہے کہ 96 فی صد لوگوں کو بھوک کی انتہائی سطح کا سامنا ہے۔
تقریباً نصف ملین لوگ تباہ کن حالات میں ہیں۔
انہوں نے ضرورت مندوں کو انسانی امداد پہنچانے میں ٹیموں کو درپیش مشکلات کی نشاندہی کی اورکہا کہ بہت سے لوگوں کی خوراک، رہائش، صحت اور دیگر بنیادی ضروریات پوری نہیں کی گئیں۔
گذشتہ 7 اکتوبر سے “اسرائیل” غزہ پر مکمل امریکی حمایت سے تباہ کن جنگ چھیڑمسلط کیے ہوئے ہے۔اس میں ہزاروں لاپتہ افراد کے علاوہ تقریباً سوالا کھ فلسطینی شہید اور زخمی ہو چکے ہیں۔
