غزہ (مرکزاطلاعات فلسطین فاوؑنڈیشن) غاصب صیہونی فوج نے امریکی اور مغربی ممالک کی فوجی مدد سے غزہ کی پٹی میں نسلی کشی کی بھیانک مہم جاری رکھی ہوئی ہے۔ آج 20 ستمبر جمعہ کے روز فلسطینیوں کی نسل کشی کا مسلسل 350 واں روز ہے۔
قابض فوج نے آج کے روز غزہ میں جنگی طیاروں اور توپ خانے سے مزید وحشیانہ حملے کیے ہیں جن میں مزید درجنوں فلسطینی شہید اور زخمی ہوئے ہیں۔
ہمارے نامہ نگاروں نے اطلاع دی ہے کہ قابض طیاروں اور توپ خانوں نے آج جمعہ کے روز غزہ کی پٹی کے مختلف علاقوں میں بمباری کی جس میں گھروں، بے گھر افراد کی پناہ گاہوں اور سڑکوں پر موجود شہریوں کو نشانہ بنایا، جس میں درجنوں شہری شہید اور زخمی ہوئے۔
رفح کے شمال میں قابض فوج کی بمباری کے نتیجے میں بچوں سمیت سات شہری شہید اور متعدد زخمی ہوئے جنہیں خان یونس کے ناصر میڈیکل ہسپتال پہنچایا گیا۔
غزہ شہر میں العباس جنکشن کے قریب الاحلال طیاروں کی ایک ٹرانسپورٹ بس پر بمباری کے نتیجے میں 3 شہری شہید اور 9 زخمی ہوگئے۔
ایک کواڈ کاپٹر طیارے نے غزہ شہر کے جنوب میں الزیتون محلے میں فریڈم اسکول کے اطراف میں فلسطینیوں کے گھروں پر فائرنگ کی تاہم کوئی جانی نقصان نہیں ہوا۔
ایمبولینس کے عملے نے دو زخمیوں کو رفح شہر کے شمال میں واقع خربہ العداس کے علاقے میں بیر اسکندر کے قریب ایک موٹر سائیکل پر اسرائیلی بمباری کے بعد ہسپتال منتقل کیا۔
غزہ کے مشرق میں الشعف اسٹریٹ پر شہریوں کے ایک اجتماع پر قابض طیاروں کی بمباری کے نتیجے میں ایک شہری شہید ہوگیا۔
مقامی ذرائع نے اطلاع دی ہے کہ شمالی غزہ کی پٹی میں بیت حانون میں گرلز اسٹریٹ پر شہریوں کی گاڑی کو نشانہ بنایا گیا جس میں متعدد افراد شہید اور زخمی ہوئے۔
قابض فوج نے غزہ کی پٹی کے وسط میں نصیرات کیمپ کے مغرب میں واقع تل النوائری میں شہریوں کو نشانہ بنایا جس کے نتیجے میں شہداء کی تعداد 8 ہو گئی، جن میں بچے اور متعدد زخمی بھی شامل ہیں۔
وسطی غزہ کے الدرج محلے میں سات شہری اس وقت شہید ہوئے جب قابض فوج نے العشی کارپینٹری کے پیچھے “شیخ” خاندان کے ایک گھر پر بمباری کی۔
فلسطینی شہری دفاع نے بتایا کہ قابض طیاروں کی جانب سے الدراج میں الشیخ کارپینٹری کے قرب و جوار میں الشیخ خاندان کے ایک گھر پر بمباری کے نتیجے میں دو خواتین سمیت سات فلسطینی شہید اور متعدد زخمی ہو گئے۔
سول ڈیفنس نے بتایا کہ اس کے عملے نے وسطی غزہ کی پٹی میں نصیرات کیمپ کے مغرب میں واقع “ایلیا ٹاور” کے رہائشی اپارٹمنٹ پر اسرائیلی بمباری کے نتیجے میں ایک شہید اور تین زخمی ہوئے ہیں۔
