غزہ (مرکزاطلاعات فلسطین فاوؑنڈیشن) اتوار کے روز غزہ میں سرکاری میڈیا آفس نے اسرائیلی بمباری میں صحافی عبدالوہاب عونی ابو عون کی شہادت کا اعلان کیا، جس کی شہادت کے بعد 7 اکتوبر 2023 کو پٹی پر جنگ شروع ہونے والی نسل کشی کی جنگ میں اب تل 137 صحافی شہید ہوچکے ہیں۔
دفترنے ایک بیان میں کہا کہ “ہمارے ساتھی صحافی شہید عبدالوہاب عونی ابو عون کی شہادت بعد غزہ کی پٹی پر نسل کشی کی جنگ کے آغاز سے اب تک شہید ہونے والے صحافیوں کی تعداد بڑھ کر 137 ہو گئی ہے۔”
انہوں نے وضاحت کی کہ ابو عون “ایک فوٹو جرنلسٹ تھے جو اس وقت شہید ہوئے جب قابض فوج نے وسطی غزہ کی پٹی میں مغازی کیمپ میں ان کے گھر پر بمباری کی”۔
24 مارچ کو انفارمیشن آفس نے 3 فلسطینی صحافیوں کی شہادت کا اعلان کیا، جس سے اس وقت تعداد 136 ہوگئی تھی۔
فلسطینی اور اقوام متحدہ کے اعداد و شمار کے مطابق غزہ پر اسرائیلی جنگ نے دسیوں ہزار شہری شہید کیے، جن میں سے زیادہ تر بچے اور خواتین، بنیادی ڈھانچے اور املاک کی بڑے پیمانے پر تباہی، اور قحط نے بچوں اور بوڑھوں کی جان لی۔
رمضان کے مہینے میں فوری جنگ بندی کا مطالبہ کرنے والی سلامتی کونسل کی قرارداد کے اجراء کے ساتھ ساتھ “نسل کشی” کے الزام میں بین الاقوامی عدالت انصاف میں پہلی بار پیشی کے باوجود اسرائیل اپنی جارحیت جاری رکھے ہوئے ہے۔
