غزہ (مرکزاطلاعات فلسطین فاؤنڈیشن) فلسطینی وزارت صحت نے گذشتہ 24 گھنٹوں کے دوران غزہ کی پٹی کے ہسپتالوں میں 6 شہداء کے جسد خاکی لائے جانے کا اعلان کیا جس کے بعد غزہ کی پٹی میں گذشتہ پندرہ ماہ کےدوران شہید ہونے والے فلسطینیوں کی تعداد 48 ہزار 297 ہوگئی ہے۔
وزارت صحت نے ایک اخباری بیان میں وضاحت کی کہ شہداء میں سے 2 کو تباہ شدہ مکانات کے ملبے تلے سے نکالا گیا، 3 فلسطینی اسرائیلی بمباری میں شہید ہوئے جب کہ ایک زخمی دم توڑ گیا۔ اس دوران 11 فلسطینی ناکارہ بم پھٹنے سے زخمی ہوئے۔
وزارت صحت نے بتایا کہ سات اکتوبر 2023 سے اب تک اسرائیلی جنگ میں شہادتوں کی تعداد 48,291اور زخمیوں کی 111,733 ہو گئی ہے۔
وزارت صحت نے بتایا کہ ملبے کے نیچے اور سڑکوں پر اب بھی متعدد متاثرین موجود ہیں اور ایمبولینس اور شہری دفاع کا عملہ ان تک نہیں پہنچ سکتا۔
وزارت نے غزہ کی جنگ میں شہید اور لاپتہ ہونے والے افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کروا کر تمام ڈیٹا وزارت صحت کے ریکارڈ کے ذریعے مکمل کریں۔
