غزہ (مرکزاطلاعات فلسطین فاؤنڈیشن) فلسطینی وزارت صحت نےبتایا ہے کہ گذشتہ 24 گھنٹوں کے دوران غزہ کی پٹی میں ملبے سے مزید 22 شہداء کی لاشیں برآمد کی گئیں جب کہ مزید 16 زخمیوں کو ہسپتالوں میں منتقل کیا گیا۔
وزارت صحت نے جمعرات کو ایک بیان میں کہا کہ 22 شہداء کو تباہی کی جنگ کے دوران تباہ شدہ گھروں کے ملبے تلے سے نکالا گیا، جب کہ 16 شہری قابض کی باقیات سے زخمی ہوئے۔
وزارت صحت نے اطلاع دی ہے کہ 7 اکتوبر 2023 سے اب تک اسرائیلی جنگ میں شہید ہونے والوں کی تعداد 48,319 ہوگئی ہے جب کہ 111,749 زخمی ہوئے ہیں۔
وزارت صحت نے بتایا کہ ملبے کے نیچے اور سڑکوں پر اب بھی متعدد متاثرین موجود ہیں اور ایمبولینس اور شہری دفاع کا عملہ ان تک نہیں پہنچ سکتا۔
وزارت صحت نے غزہ کی جنگ میں شہید اور لاپتہ ہونے والے افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کروا کر تمام ڈیٹا وزارت صحت کے ریکارڈ کے ذریعے مکمل کریں۔
