غزہ (مرکزاطلاعات فلسطین فاؤنڈیشن) شمالی غزہ کے کمال عدوان ہسپتال کے ڈائریکٹر حسام ابو صفیہ نے صحت کی دیکھ بھال کے نظام، اس کے عملے اور اس کے اندر موجود مریضوں کو بمباری سے بچانے کے لیے بین الاقوامی مداخلت کا مطالبہ کیا۔ انہوں نے ہسپتال پر ڈرون ڈرون حملوں کو روکنے اور ہسپتال کو پانی، آکسیجن، اور بجلی کی فراہمی پر زور دیا۔
ابو صفیہ نے ایک پریس بیان میں کہا کہ کمال عدوان ہسپتال میں یہ ایک اور مشکل رات تھی۔ قابض ریاست کی طرف سے دھماکہ خیز روبوٹ کا استعمال ہمارے لیے ایک نئی جنگی مشین ہے اور یہ جنگی مشین ہر روز ہسپتال کے قریب آ رہی ہے۔
انہوں نے زور دیا کہ گذشتہ روز تین خود کش روبوٹ مریضوں کے کمروں کے پاس پہنچ کر پھٹ گئے جس سے دروازے اور کھڑکیاں تباہ ہو گئیں۔ یہ خوفناک آواز تھی۔ بدقسمتی سے یہ صورتحال ہمارے روزمرہ کے معمولات کا حصہ بن گئی ہے۔
ڈاکٹر ابو صفیہ نے بتایا کہ توپ خانے کی گولہ باری اور ڈرون سے گرائے جانے کے علاوہ بموں کے سے جنریٹر یونٹ اور آکسیجن سپلائی نیٹ ورک پر تقریباً پانچ بم گرائے گئے جس سے مزید نقصان ہوا۔
انہوں نے کہا کہ کوآرڈینیشن کے بعد وزارت صحت کی مرمت اور دیکھ بھال کی ٹیم پہنچی ہے مگر اس کے پاس ہسپتال کی مرمت کے لیے وسائل نہیں۔ ہمارے ہسپتال سے چھ مریضوں کو منتقل کیا گیا۔ ورلڈ ہیلتھ آرگنائزیشن بھی تھوڑی مقدار میں ایندھن، طبی سامان اور کٹس اور کچھ فوڈ پیکج لے کر پہنچا ہے۔
انہوں نے مزید کہاکہ بدقسمتی سے انڈونیشیا ہسپتال کا وفد جس کو کمال عدوان ہسپتال میں ٹھہرنا تھا واپس کر دیا گیا۔
انہوں نے نشاندہی کی کہ چھ شدید نوعیت کے زخمی مریضوں کو فوری جراحی کی ضرورت تھی مگر ان کا علاج نہیں ہوسکا۔ اس وقت کمال عدوان ہسپتال میں تقریباً 60 زخمی افراد موجود ہیں، جن میں سے اکثر کو سرجیکل آپریشن کی بھی ضرورت ہے۔
انہوں نے کہا کہ ہم وزارت صحت کے وفد کے کل واپس آنے کا انتظار کر رہے ہیں تاکہ مزید کیسز کو منتقل کیا جا سکے۔
انہوں نے زور دے کر کہا کہ موصول ہونے والی سپلائیز بہت محدود مقدار میں ہیں، لیکن کچھ نہ ہونے سے تھوڑا بہتر ہے۔
انہو ں نے زور دیا کہ صورتحال اب بھی بہت مشکل ہے۔ انہوں نے کہا کہ ہم مسلسل خوف کے تحت کام کرتے ہیں، بم دھماکے، دہشت گردی اور دھماکہ خیز مواد کے بے رحمانہ گرنے سے سب انتہائی سخت حالات میں ہیں۔
