غزہ (مرکزاطلاعات فلسطین فاؤنڈیشن) اسلامی تحریک مزاحمت ’حماس‘ کے عسکری ونگ عزالدین القسام شہید بریگیڈ کی جانب سے غزہ میں دراندازی کرنے والی قابض صہیونی فوج اور اس کے ٹینکوں کے خلاف مزاحمت 408 ویں روز میں جاری ہے۔
غزہ میں القسام بریگیڈ کی مزاحمتی کارروائیوں کے دوران اب تک سیکڑوں صہیونی فوجی اور افسر جھنم واصل ہونے کے ساتھ ہزاروں کی تعداد میں زخمی ہوچکے ہیں جب کہ بڑی تعداد میں قابض فوج کی گاڑیوں، ٹینکوں اور بکتر بند گاڑیوں کو جزوی یا مکمل طور پر ناکارہ کردیا گیا ہے۔
القسام کے عسکری میڈیا کی طرف سے جاری ایک رپورٹ میں کہا گیا ہے کہ مجاھدین غزہ میں قابض صہیونی فوج کی دراندازی کا مقابلہ جاری رکھے ہوئے ہیں۔ مجاھدین غزہ کے مختلف محوروں میں دشمن فوج سے لڑ رہے ہیں، دشمن فوجیوں، اس کے ٹینکوں اور گاڑیوں کا شکار کررہے ہیں۔
مجاھدین دھماکہ خیز آلات اور اینٹی آرمر ہتھیار کا استعمال کر رہے ہیں۔ – آرمر اور اینٹی پرسنل میزائلوں اور مارٹر گولوں کے ساتھ دشمن کے ارتکاز کونشانہ بنا رہے ہیں۔
القسام بریگیڈز نے غزہ کی پٹی کے شمال میں بیت لاہیہ کے مغربی گول چکر کے قریب ایک صہیونی فوجی بردار ٹرک اور ایک “D9” بلڈوزر کو دو “ال یاسین 105” گولوں سے نشانہ بنائے جانے کے مناظر نشر کیے ہیں۔
اس نے غزہ شہر کے شمال مغرب میں الخزندار کے علاقے کے آس پاس ایک رہائشی عمارت میں چھپے دشمن کی افواج کو نشانہ بنانے اور اسنائپنگ کے مناظر بھی نشر کیے ہیں۔
بریگیڈز نے ایک فوجی رپورٹ میں تصدیق کی ہے کہ انہوں نے وسطی غزہ کی پٹی میں البریج پناہ گزین کیمپ کے مشرق میں دو D9 فوجی بلڈوزر کو دو ٹنڈوم گولوں سے نشانہ بنایا۔
القسام نے بیان میں اس کے مجاھدین نے وسطی غزہ کی پٹی میں بریج پناہ گزین کیمپ کے مشرق میں دو صہیونی “مرکاوہ” ٹینکوں اور “D9” صہیونی بلڈوزر کو “الیاسین 105” گولوں سے نشانہ بنایا۔
طوفان الاقصیٰ کے روزسات اکتوبر 2023ء ہفتے کی صبح سے قابض فوج کے خلاف فلسطینی مجاھدین کی کارروائیاں جاری ہیں۔
