غزہ (مرکزاطلاعات فلسطین فاؤنڈیشن) غزہ کی پٹی میں وزارت صحت نے اعلان کیا ہے کہ 7 اکتوبر 2023ء سے اب تک قابض اسرائیلی ریاست کی طرف سے فلسطینیوں کے خلاف جاری نسل کشی کی جنگ میں شہداء کی تعداد بڑھ کر 51,240 ہوگئی ہے جب کہ 116,931 زخمی ہوئے ہیں۔
وزارت صحت نے پیر کو اپنے یومیہ بیان میں کہا ہے کہ غزہ کی پٹی کے ہسپتالوں میں گذشتہ 24 گھنٹوں کے دوران 39 شہداٰء اور 62 زخمیوں کو لایا گیا۔
انہوں نے وضاحت کی کہ 18 مارچ کو غزہ کی پٹی پر قابض ریاست کی طرف سے مسلط کی گئی نسل کشی کی جنگ دوبارہ شروع ہونے 1,864 فلسطینی شہید اور 4,860 زخمی ہو گئے ہیں۔ اس طرح مجموعی طور پر شہداء کی کل تعداد 51,240 اور زخمیوں کی 116,116 ہو گئی ہے۔
انہوں نے نشاندہی کی کہ شہداء کی ایک بڑی تعداد اب بھی تباہ شدہ گھروں اور سڑکوں کے ملبے تلے دبی ہوئی ہے، جہاں ایمبولینس اور شہری دفاع کے عملے کے لیے ان تک پہنچنا مشکل ہے۔
