غزہ (مرکزاطلاعات فلسطین فاؤنڈیشن) فلسطینی وزارت صحت نے گذشتہ 24 گھنٹوں کے دوران غزہ کی پٹی میں 17 شہداء اور 19 شہریوں کے ہسپتالوں میں لائے جانے کا انکشاف کیا ہے۔
وزارت نے پیر کو ایک بیان میں کہا کہ تمام شہداء کو جنگ دوران تباہ ہونے والے گھروں کے ملبے تلے سے نکالا گیا تھا۔ جب کہ 19 دیگر قابض فوج کی جنگی باقیات یا اسرائیل کی جانب سے جنگ بندی معاہدے کی خلاف ورزیوں کے نتیجے میں زخمی ہوئے۔
وزارت صحت نے اطلاع دی ہے کہ 7 اکتوبر 2023 سے اب تک اسرائیلی جنگ میں شہید ہونے والوں کی تعداد 48,365 ہوگئی ہے جب کہ 111,780 زخمی ہوچکے ہیں۔
انہوں نے تصدیق کی کہ ملبے کے نیچے اور سڑکوں پر اب بھی متعدد متاثرین موجود ہیں اور ایمبولینس اور شہری دفاع کا عملہ ان تک نہیں پہنچ سکتا۔
وزارت صحت نے غزہ میں جنگ میں شہید اور لاپتہ ہونے والے افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کروا کر تمام ڈیٹا وزارت صحت کے ریکارڈ کے ذریعے مکمل کریں۔
