غزہ (مرکزاطلاعات فلسطین فاؤنڈیشن) فلسطینی وزارت صحت نے گذشتہ 24 گھنٹوں کے دوران غزہ کی پٹی کے ہسپتالوں میں 17 شہداء کے جسد خاکی لائے جانے کی تصدیق کی ہے جس کے بعد شہداء کی تعداد 48 ہزار 239 ہوگئی ہے۔
وزارت صحت نے ایک اخباری بیان میں وضاحت کی کہ شہداء میں 14 کی لاشیں ملبے کے نیچے سے نکالی گئیں۔ تین فلسطینی زخموں کی تاب نہ لاتے ہوئے دم توڑ گئے۔ گذشتہ روز 2 شہری قابض فوج کی فائرنگ سے زخمی ہوگئے۔
وزارت صحت نے عندیہ دیا کہ 7 اکتوبر 2023 سے اب تک اسرائیلی جارحیت میں شہداء کی تعداد 48,239 ہوگئی ہے جب کہ 111,676 زخمی ہیں۔
انہوں نے تصدیق کی کہ ملبے کے نیچے اور سڑکوں پر اب بھی متعدد متاثرین موجود ہیں اور ایمبولینس اور شہری دفاع کا عملہ ان تک نہیں پہنچ سکتا۔
وزارت نے غزہ کی جنگ میں شہید اور لاپتہ ہونے والے افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کروا کر تمام ڈیٹا وزارت صحت کے ریکارڈ کے ذریعے مکمل کریں۔
