غزہ (مرکزاطلاعات فلسطین فاوؑنڈیشن) غزہ کی پٹی میں وزارت صحت نے جمعہ کے روز اعلان کیا کہ 7 اکتوبر سے غزہ پر جاری اسرائیلی غاصب ریاست کی جارحیت سے شہید ہونے والوں کی تعداد بڑھ کر 35,857 ہوگئی ہے جن میں زیادہ تر خواتین اور بچے ہیں۔
انہوں نے وضاحت کی کہ اسرائیلی قابض ریاست نے غزہ کی پٹی میں خاندانوں کے خلاف 6 قتل عام کیے جن میں 57 شہری شہید اور 93 زخمی ہوئے۔
وزارت نے اشارہ کیا کہ متعدد متاثرین اب بھی ملبے کے نیچے اور سڑکوں پر ہیں اور قابض فوج ایمبولینس اور شہری دفاع کے عملے کو ان تک پہنچنے سے روک رہی ہے۔
انہوں نے “غزہ کی جنگ میں شہید اور لاپتہ افراد کے اہل خانہ سے مطالبہ کیا کہ وہ لنک کے ذریعے رجسٹریشن کر کے اپنا ڈیٹا مکمل کریں تاکہ تمام ڈیٹا وزارت صحت کے ریکارڈ کے ذریعے مکمل کیا جا سکے۔”
