غزہ (مرکزاطلاعات فلسطین فاؤنڈیشن) غزہ کی پٹی میں فلسطینی وزارت صحت نے پیر کے روز بتایا ہےکہ گذشتہ 24 گھنٹوں کے دوران 11 شہداء کے جسد خاکی پٹی کے ہسپتالوں میں پہنچائے گئےہیں، جن میں 9 ایسے شہداء بھی شامل ہیں جو کہ پٹی کے مختلف علاقوں سے بازیاب ہوئے ہیں اور 2 نئے شہداء اور متعدد زخمیوں کو علاج کےلیے ہسپتالوں میں منتقل کیا گیا۔
وزارت صحت نے ہلاکتوں اور زخمیوں کی تعداد سے متعلق اپنی روزانہ کی رپورٹ میں مزید کہا کہ 7 اکتوبر 2023 سے اب تک شہداء کی کل تعداد 47,317 ہوچکی ہے جب کہ 111,494 زخمی ہوئے ہیں۔
جنگ بندی معاہدے کے مطابق قابض اسرائیلی فوج کے انخلاء کے بعد غزہ کی پٹی کے مختلف علاقوں میں ملبے اور سڑکوں کے نیچے سے شہداء کو نکالنے کا عمل جاری ہے۔
