غزہ – فلسطین فائونڈیشن پاکستان غاصب صیہونی فوج نے امریکی اور مغربی ممالک کی فوجی مدد سے غزہ کی پٹی میں نسلی کشی کی بھیانک مہم جاری رکھی ہوئی ہے۔ آج، 28 اگست بدھ کے روز، فلسطینیوں کی نسل کشی کا مسلسل 328 واں روز ہے۔ قابض فوج نے آج غزہ میں جنگی طیاروں اور توپ خانے سے مزید وحشیانہ حملے کیے ہیں جن میں درجنوں فلسطینی شہید اور زخمی ہوئے ہیں۔
ہمارے نامہ نگاروں نے اطلاع دی ہے کہ قابض طیاروں اور توپ خانوں نے آج ہفتے کے روز غزہ کی پٹی کے مختلف علاقوں میں بمباری کی۔ اس بمباری میں گھروں، بے گھر افراد کی پناہ گاہوں اور سڑکوں پر موجود شہریوں کو نشانہ بنایا گیا، جس کے نتیجے میں درجنوں شہری شہید اور زخمی ہوئے۔
قابض اسرائیلی فوج کے طیاروں نے آج صبح غزہ شہر کے مغرب میں ایک گھر پر بمباری کی جس کے نتیجے میں ایک بچی سمیت آٹھ افراد شہید اور چار زخمی ہو گئے۔ بمباری کے باعث گھر میں آگ لگ گئی۔
طبی سروسز نے بتایا کہ ہمارا عملہ الامل ہوٹل کے قریب ایک مکان پر بمباری سے دو شہید اور چار زخمیوں کو نکالنے میں کامیاب ہو گیا، اور عملہ ابھی بھی جائے وقوعہ پر موجود ہے جبکہ سول ڈیفنس گھر میں لگنے والی آگ پر قابو پانے کی کوشش کر رہا ہے۔
جمعرات کی صبح فجر کے وقت، ایمبولینس اور سول ڈیفنس کے عملے نے قابض فورسز کی جانب سے نصیرات میں ایک مکان کو نشانہ بنانے کے نتیجے میں دو لڑکیوں کو زخمی حالت میں مکان سے نکالا۔ دیر البلح میں ایک گھر پر بمباری کے بعد ایک خاتون شہید ہو گئی۔
قابض طیاروں نے وسطی غزہ کی پٹی میں نصیرات کیمپ کے مغرب میں الصوارحہ کے علاقے میں ایک مکان پر بمباری کی۔ اسرائیلی قابض توپ خانے نے وسطی غزہ کی پٹی میں نوصیرات کے شمال مغرب میں گولہ باری کی۔
مقامی ذرائع نے بتایا کہ قابض فوج نے خان یونس کے وسط میں گلی نمبر 5 کی جانب مغربی علاقوں پر شدید فائرنگ کی۔
غزہ میں شہری دفاع کے عملے نے رفح شہر کے شمال میں واقع عریبی کے علاقے کو نشانہ بنانے والی اسرائیلی بمباری کے بعد چار شہداء کو بازیاب کر لیا۔
