صنعا — (مرکز اطلاعات فلسطین فاؤنڈیشن ) یمن کی حوثی تحریک انصار اللہ نے دارالحکومت صنعا پر ایک نئے اسرائیلی حملے کی اطلاع دی ہے۔
حوثیوں سے وابستہ سیٹلائٹ چینل المسیرہ نے یہ خبر اس وقت نشر کی جب تحریک کے سربراہ عبدالملک الحوثی ٹیلی ویژن پر خطاب کر رہے تھے۔ چینل نے فوری خبر میں کہا کہ “صنعا پر قابض اسرائیل نے حملہ کیا ہے،” تاہم مزید تفصیلات فراہم نہیں کیں۔
مقامی رہائشیوں کے مطابق دارالحکومت کے مختلف علاقوں میں زوردار دھماکوں کی آوازیں سنی گئیں۔ واضح رہے کہ صنعا سنہ 2014ء سے حوثی تحریک کے زیرِ کنٹرول ہے۔
تاحال انصار اللہ گروپ کی جانب سے حملے کی نوعیت یا ممکنہ نقصانات کے بارے میں کوئی باضابطہ بیان سامنے نہیں آیا۔
