غزہ – فلسطین فائونڈیشن پاکستان اسلامی جہاد کے عسکری ونگ القدس بریگیڈ اور اسلامی تحریک مزاحمت ’حماس‘ کے عسکری ونگ القسام بریگیڈز نے غزہ میں ایک مشترکہ مزاحمتی کارروائی کی ویڈیو جاری کی ہے، جس میں دو صہیونی فوجیوں کو ہلاک کرنے کا دعویٰ کیا گیا ہے۔
مجاھدین نے غزہ کے وسطی علاقے الزیتون اور التقدم محور میں دشمن فوجیوں کو دو الگ الگ کارروائیوں میں نشانہ بنایا۔
ویڈیو میں القدس بریگیڈز نے دعویٰ کیا ہے کہ مجاھدین نے ایک دشمن فوجی کو ہلاک کردیا۔ دوسری جانب، القسام بریگیڈز نے ایسے مناظر شائع کیے جن میں انہوں نے الزیتون محلے میں اسٹارز ہال کے پیچھے ایک عمارت میں چھپے ایک اسرائیلی فوجی کو نشانہ بنا کر ہلاک کیا۔
فلسطینی مزاحمت غزہ کی پٹی کے مختلف علاقوں میں قابض اسرائیلی افواج کا مقابلہ جاری رکھے ہوئے ہے۔ مجاھدین اسنائپر ڈیوائسز، دھماکہ خیز آلات، اور دیگر ذرائع استعمال کر رہے ہیں۔
