بیروت – فلسطین فائونڈیشن پاکستان:
منگل کی سہ پہر جنوبی لبنان میں ایک گاڑی پر اسرائیلی فوج کی بمباری کے نتیجے میں دو افراد شہید ہو گئے۔
لبنان کی وزارت صحت نے اطلاع دی ہے کہ جنوبی لبنان کے شہر برعشیت میں ایک کار پر اسرائیلی حملے میں دو افراد مارے گئے۔
لبنان کے جنوب میں واقع قصبے شیحین پر اسرائیلی بمباری میں تین لبنانی شہری زخمی بھی ہوئے۔
قابض اسرائیلی فوج نے توپ خانے سے جنوبی لبنان کے قصبوں خیام اور عیتا الشعب کو بھی نشانہ بنایا۔
