غزہ – (مرکز اطلاعات فلسطین فاؤنڈیشن ) غزہ میں قابض اسرائیلی فوج کی دراندازی کے خلاف فلسطینی مزاحمت بہادری سے دفاع کر رہی ہے۔ اتوار کے روز القسام بریگیڈز نے اعلان کیا کہ ان کے جانباز مجاہدین نے 11 جولائی کو مشرقی غزہ کے الشجاعیہ محلے میں ناصرہ اسکول کے قریب ایک اسرائیلی فوجی کو اس وقت نشانہ بنایا جب وہ ایک “میرکافا” ٹینک پر سوار تھا۔
ایک علیحدہ اعلامیے میں القسام بریگیڈز نے بتایا کہ ان کے جانبازوں نے “سرايا القدس” کے مجاہدین کے ساتھ مل کر 7 جولائی کو الشجاعیہ کے الرضوان مسجد کے قریب تین میرکافا ٹینکوں کو تین الگ الگ دھماکہ خیز حملوں سے نشانہ بنایا۔ ان کارروائیوں میں “شواظ” اور “ثاقب” نامی بارودی مواد کے علاوہ “تاندوم” گولہ بھی استعمال کیا گیا۔
یہ مزاحمتی کارروائیاں اس بات کا واضح ثبوت ہیں کہ فلسطینی مزاحمت نہ صرف زندہ ہے بلکہ پوری قوت اور حوصلے کے ساتھ اپنے عوام اور مقدسات کے دفاع میں مصروف ہے۔ ان جوابی حملوں کے ذریعے قابض دشمن کو یہ پیغام دیا جا رہا ہے کہ ظلم اور جارحیت کے خلاف مزاحمت ایک فطری اور ناگزیر حق ہے، اور قابض ریاست کی درندگی کا ہر قیمت پر جواب دیا جائے گا۔
