غزہ –(مرکز اطلاعات فلسطین فاؤنڈیشن) قابض اسرائیلی فوج نے جمعرات کو غزہ کی پٹی سے تعلق رکھنے والے متعدد اسیران کو شمال مشرقی خان یونس میں واقع کسوفیم فوجی چوکی کے راستے رہا کر دیا۔
ہمارے نامہ نگار کے مطابق قابض فوج نے غزہ کے 10 اسیران کو کسوفیم گیٹ کے ذریعے رہا کیا، جنہیں بعد ازاں دیر البلح کے شہداء الاقصی ہسپتال منتقل کر دیا گیا۔
نامہ نگار نے بتایا کہ رہائی پانے والے اسیران میں شامل ہیں:
-
عاصم خالد ابراہیم الصوفی (27 سال)
-
مرزوق حسن مرزوق البیوک (45 سال)
-
عطا اللہ عمرو شعبان (36 سال)
-
روحی محمد خلیل سلطان (51 سال)
-
سفیان حسن ابراہیم الشاعر (19 سال)
-
مجدی جمال خالد نبهان (36 سال)
-
محمد احمد کمال نعیم (17 سال)
-
مہند حسن سلیم شلایل (30 سال)
-
عماد الدین محمود دردونہ (40 سال)
-
ابراہیم محمود جمیل دردونہ (45 سال)
ان تمام افراد کو ہسپتال منتقل کیا گیا، جہاں ان کی حالت نہایت نازک بیان کی گئی ہے۔ رہائی کے بعد وہ شدید کمزوری کا شکار تھے، کیونکہ صہیونی جیلوں میں انہیں مجرمانہ تشدد اور مسلسل بھوکا پیاسا رکھنے کے باعث ان کے جسم ہڈیوں کے ڈھانچے میں تبدیل ہو چکے تھے۔
واضح رہے کہ قابض اسرائیلی فوج نے سات اکتوبر سنہ 2023ء سے غزہ پر اپنی نسل کش جنگ مسلط کر رکھی ہے، جو زمین، سمندر اور فضا تینوں سے جاری ہے۔ اس درندگی میں اب تک 62 ہزار 192 فلسطینی شہید ہو چکے ہیں، جن میں اکثریت عورتوں اور بچوں کی ہے۔ ایک لاکھ 57 ہزار 114 سے زائد زخمی ہیں، جبکہ ہزاروں کی لاشیں اب بھی ملبے تلے دبی ہوئی ہیں جنہیں نکالا نہیں جا سکا۔ یہ اعداد و شمار تاحال غیر حتمی ہیں۔
