غزہ – فلسطین فائونڈیشن پاکستان
اسلامی جہاد کے عسکری ونگ القدس بریگیڈز کے مجاہدین نے جنوبی غزہ کے شہر رفح کے مغرب میں تل السلطان محلے کے جنوب میں دو اسرائیلی ٹینکوں کو نشانہ بنانے کے مناظر نشر کیے ہیں۔
ان مناظر میں 3 اسرائیلی فوجی گاڑیوں کی موجودگی کو دکھایا گیا تھا۔ دو ٹینکوں کو ‘آر بی جی’ گولوں سے نشانہ بنایا گیا تھا، اور وہاں مشین گنوں کی آوازیں بھی سنائی دے رہی تھیں۔
قابض اسرائیل کی گاڑیوں کو اس وقت نشانہ بنایا گیا جب مجاہدین قابض فوج کی دراندازی والے علاقے میں داخل ہوئے۔ انہوں نے اللہ اکبر کا نعرہ لگایا، اور ایک مجاہد کو یہ کہتے سنا جا سکتا ہے کہ ‘تمہارا دوست امریکہ ہے اور ہمارا اللہ ہے’۔
السرایا القدس نے ویڈیو کا اختتام اس فوٹیج کے ساتھ کیا جس میں دکھایا گیا ہے کہ ایک اسرائیلی بلڈوزر تباہ ہونے والی دو فوجی گاڑیوں میں سے ایک کو نکال رہا ہے۔
رفح اور اس کے گرد و نواح میں تل السلطان محلہ مزاحمتی دھڑوں کی طرف سے معیاری مزاحمتی کارروائیوں کا مرکز ہے۔ القسام بریگیڈز اور القدس بریگیڈز مل کر دشمن پر حملے کر رہے ہیں۔
