غزہ (مرکز اطلاعات فلسطین فاؤنڈیشن ) اسلامی تحریک مزاحمت حماس کے عسکری ونگ ’الشهید عزالدین القسام بریگیڈز‘ نے اتوار کے روز اعلان کیا ہے کہ قابض اسرائیل کی گاڑیاں غزہ شہر کے جنوبی علاقے زیتون میں ایک منظم مائن فیلڈ میں پھنس گئی ہیں۔
القسام بریگیڈز نے اپنی ٹیلی گرام چینل پر پوسٹ کردہ ایک بیان میں کہا کہ ” لڑائی سے واپسی کے بعد ہمارے مجاہدین نے تصدیق کی کہ دشمن کی متعدد گاڑیاں ایک پہلے سے تیار شدہ مائن فیلڈ میں پھنس گئی ہیں، جو مسجد الصدیقین کے آس پاس مشرقی زیتون میں 31 اگست کو لگایا گیا تھا”۔
مزاحمتی گروہوں اور القسام بریگیڈز نے قابض اسرائیل کی گاڑیوں اور فوجیوں کی غزہ میں دراندازی کے دوران مسلسل مزاحمت جاری رکھی ہوئی ہے، جس کا حصہ ‘طوفان الاقصی’ کا عملی مرحلہ ہے، اور یہ کارروائیاں ایک سال سے زائد عرصے سے جاری قابض اسرائیل کے جارحانہ حملوں کے جواب میں کی جا رہی ہیں۔
