غزہ(مرکز اطلاعات فلسطین فاؤنڈیشن ) قابض اسرائیل نےغزہ کے وسطی شہر دیرالبلح میں فلسطینی شہریوں کے ایک گروہ کو نشانہ بنایا جس کے نتیجے میں 6 نہتے فلسطینی شہید ہوگئے جن میں ایک صحافی بھی شامل ہے۔
الاقصیٰ ہسپتال کے طبی ذرائع کے مطابق شہداء میں معروف صحافی یحییٰ برزق اور ایک معصوم بچہ بھی شامل ہیں۔ یہ وحشیانہ بمباری دیر البلح کے مغربی علاقے میں جوال کمپنی کے شو روم کے قریب واقع ایک منجرہ پر کی گئی۔
میڈیکل ذرائع نے بتایا کہ شہید ہونے والوں میں فوٹو جرنلسٹ یحییٰ برزق کے علاوہ شہید یوسف اشرف سلمان، شہید قصی یوسف سلمان، شہید محمد یوسف سلمان اور شہید رجب ابو جراد شامل ہیں۔ یحییٰ برزق مختلف مقامی اور بین الاقوامی میڈیا اداروں کے ساتھ وابستہ تھے اور قابض اسرائیل کے جرائم کو دنیا کے سامنے اجاگر کرنے میں اپنا کردار ادا کر رہے تھے۔
یہ قتل عام اس وقت ہوا جب قابض اسرائیل نے مسلسل 725 ویں روز بھی غزہ کی پٹی میں امداد کے منتظر بے سہارا فلسطینیوں اور بے گھر مہاجرین کو نشانہ بنایا۔ قابض اسرائیل کی یہ یلغار اور بمباری اس کے منظم منصوبے کا حصہ ہے جس کا مقصد غزہ کے نہتے عوام کو اجتماعی سزا دینا اور انہیں بھوک و قحط کے ذریعے موت کے گھاٹ اتارنا ہے۔
