غزہ (مرکزاطلاعات فلسطین فاؤنڈیشن) اسلامی تحریک مزاحمت ’حماس‘ نے وادی غزہ کے شمال میں بے گھر ہونے والوں کی واپسی کی تصدیق کی ہے۔ حماس نے کہا ہے کہ شمالی غزہ کی طرف فلسطینی باشندوں کی واپسی ہماری قوم کی فتح اور قابض دشمن کی جبری نقل مکانی کے منصوبوں کی ناکامی اور شکست کا اعلان ہے۔
حماس نے پیر کی صبح ایک پریس بیان میں کہا کہ ہمارے عوام کی ان علاقوں میں واپسی کے مناظر جہاں سے وہ اپنے تباہ شدہ گھروں کے باوجود نقل مکانی پر مجبور ہوئے تھے، ہمارے لوگوں کی عظمت اور اپنی سرزمین پر ان کی ثابت قدمی کی تصدیق کرتے ہیں۔ درد اور المیے کی گہرائی کے باوجود فلسطینی قوم اپنی سرزمین پر ثابت قدم ہے۔
انہوں نے زور دے کر کہا کہ واپسی کی خوشی، زمین کی محبت اور اس سے لگاؤ سے بھرے یہ مناظر ان تمام لوگوں کے لیے ایک پیغام ہیں جو ہمارے لوگوں کی مرضی کو توڑنے اور انہیں اپنی سرزمین سے بے گھر کرنے کی شرطیں لگا رہے ہیں۔
حماس نے زور دے کر کہا کہ ہمارے بے گھر شہریوں کی ان کے گھروں کو واپسی ایک بار پھر ثابت کرتی ہے کہ ہمارے لوگوں کو بے گھر کرنے اور ان کےآہنی عزم کو توڑنے کے جارحانہ اہداف حاصل کرنے میں قابض دشمن کی ناکامی ہے۔
بیان میں کہا کہ ہم اس تاریخی لمحے میں اپنے عظیم عوام کے ساتھ کھڑے ہیں اور ہم غزہ کی پٹی کے تمام علاقوں میں تمام امداد ی امان کی ترسیل کو تیز کرنے کا مطالبہ کرتے ہیں۔
بے گھر افراد کی واپسی ہمارے لوگوں کی فتح ہے،صہیونی دشمن کی شکست ہے:حماسخیال رہے کہ آج ستائیس جنوری ہزاروں بے گھر فلسطینی شمالی غزہ میں اپنے گھروں کو واپس ہوئے۔
