رام اللہ (مرکزاطلاعات فلسطین فاؤنڈیشن) فلسطینی محکمہ امور اسیران نے بتایا ہے کہ اسرائیل کی بدنام زمانہ جلبوع جیل میں پابند سلاسل فلسطینی شدید سردی اور منظم بھوک کا شکار ہیں۔
امور اسیران کمیشن نے اس بات پر زور دیا کہ قابض دشمن کی جیلوں کے حالات بدستور خراب ہیں اور غزہ کی پٹی میں 7 اکتوبر 2024 کو اسرائیل کی جانب سے تباہی کی جنگ شروع ہونے کے بعد سے اب تک بدتر ہو چکے ہیں۔
کمیشن نے اپنے وکیل کے حوالے سے بتایا کہ غرب اردن کےشمالی شہر سلفیت کے نواحی علاقے اسکاکا سے تعلق رکھنے والے قیدی ابراہیم عدنان حرب جنہیں 5 اکتوبر 2023 سے جلبوع جیل کے سیکشن 3 میں حراست میں رکھا گیا ہے اسے 4 ماہ کے لیے انتظامی حراست میں منتقل کیے جانے سے پہلے ساڑھے 9 ماہ گزارے گئے اور اسے روزانہ 3 ماہ کے لیے مزید جیل میں ڈال دیا گیا ہے۔ اسے مسلسل بھوکا اور پیاسا رکھا جا رہا ہے جس کی وجہ سے اس کا وزن 14 کلو گرام تک کم ہوچکا ہے۔
اسیران کمیشن نے بتایا کہ کمرے میں قیدی حرب کے ساتھ زیر حراست افراد میں قباطیہ قصبے سے محمد زیاد ابو الرب، ام الفحم سے محمد توفیق سلیمان جبارین، جنین سے ماہر عابد، نابلس سے احمد عوض ،رجیب سے قصی شریم، نابلس سے قیس رشید اور طوباس سے نصر دراغمہ پابند سلاسل ہیں۔
‘
زیر حراست ایک قیدی نے اسیران کمیشن کے وکیل کے سامنے اپنی گواہی میں مزید کہا کہ قیدیوں افراد کو شدید سردی میں اور کمبل اور گرم کپڑوں سے مسلسل محروم رکھا گیا ہے۔ کمروں کی کھڑکیاں کھلی ہیں اور انہیں کسی اور طریقے سے بند کرنے سے روکا جاتا ہے، جبکہ کھانا غیر معیاری اور بہت کم ہے۔
انہوں نے نشاندہی کی کہ کمروں میں دن اور رات 24 گھنٹے روشنی رہتی ہے ۔ صفائی کا نظام بھی انتہائی ناقص ہے۔ اس کے علاوہ رات کو اکثر تلاشی کا عمل بھی جاری رہتا ہے، خاص طور پر طلوع فجر سے پہلے کے اوقات میں تلاشی لی جاتی ہے۔ چند روز قبل ایک کمرے کی تلاشی لی گئی تھی اور اندر موجود قیدیوں پر تشدد کیا گیا تھا۔
فلسطینی قیدی جلبوع جیل کو “اسرائیلی گوانتانامو” کہتے ہیں اور اسے آہنی عقوبت خانہ بھی قرار دیا جاتا ہے، کیونکہ یہ جیل 9 میٹر اونچی دیوار سے گھری ہوئی ہے، جس کے اوپر پینٹ شدہ لوہے کی خاردار تاریں ہیں جو عام طور پر تمام جیلوں میں پائی جاتی ہیں۔
