جنیوا (مرکزاطلاعات فلسطین فاؤنڈیشن) اقوام متحدہ کے ہائی کمشنر برائے انسانی حقوق وولکر ترک نے کہا ہے کہ غزہ میں انسانی تباہی ایک ایسے وقت میں دنیا کی نظروں کے سامنے جاری ہے جب اسرائیل کے جنگی طریقے دسیوں ہزار فلسطینیوں کی موت اور بڑے پیمانے پر نقل مکانی اور تباہی کا باعث بنے ہیں۔ .
اقوام متحدہ کے عہدیدار کا یہ بیان نیویارک میں اقوام متحدہ کی سلامتی کونسل کے سامنے اپنی بریفنگ کے دوران سامنے آیا۔ یہ اجلاس رواں ماہ سلامتی کونسل کے صدر الجزائر کی دعوت پر منعقد کیا، جس میں اسرائیل کی جانب سے غزہ میں ہسپتالوں اور صحت کے شعبے کو نشانہ بنانے پر تبادلہ خیال کیا گیا۔ .
کونسل کے سامنے خطاب وولکر ترک نے اپنے دفتر کی طرف سے جاری کردہ ایک رپورٹ کی طرف اشارہ کیا جس میں جون 2024 کے آخر تک غزہ پر جنگ کا احاطہ کیا گیا تھا، اور نشاندہی کی گئی کہ رپورٹ میں فلسطین کے ہسپتالوں پر مختلف طریقوں سے منظم حملوں کو دستاویزی شکل دی گئی ہے۔ اس میں اسرائیلی فضائی حملے بھی شامل ہیں جن میں قابض فوج کی جانب سے مریضوں اور ڈاکٹروں کو حراست میں لیےجانے ،نرسوں اور طبی عملے پر تشدد کے ثبوت فراہم کیے گئے ہیں۔
حماس نے تنازعات کے تمام فریقوں کی طرف سے طبی سہولیات کا احترام کرنے کی ضرورت پر زور دیا۔ اقوام متحدہ کے اہلکار نے حالیہ اسرائیلی حملوں اور کمال عدوان ہسپتال کے محاصرے پربھی بات کی اور ہسپتال کو بحال کرنے پر زور دیا۔
انہوں نے ہسپتال کے ڈائریکٹر حسام ابو صفیہ کی گرفتاری اور طبی عملے سمیت فلسطینیوں کے ساتھ ناروا سلوک اور تشدد کے بارے میں رپورٹس کا بھی حوالہ دیتے ہوئے اس کی مذمت کی۔ انہوں نے نشاندہی کی کہ “غزہ بھر میں ہسپتالوں کی تباہی فلسطینیوں کو مناسب صحت کی دیکھ بھال حاصل کرنے کے حق سے محروم کرنے کی بدترین کوشش ہے۔
