غزہ (مرکزاطلاعات فلسطین فاؤنڈیشن) اسلامی تحریک مزاحمت ’حماس‘کے عسکری ونگ القسام بریگیڈز کے ترجمان نے ان اسرائیلی خواتین قیدیوں کے ناموں کا انکشاف کیا ہے جنہیں طوفان الاحرار قیدیوں کے تبادلے کے معاہدے کے تحت کل ہفتے کے روز رہا کیا جائے گا۔
ابو عبیدہ کی طرف سے جاری کردہ بیان کی نقل مرکزاطلاعات فلسطین کو موصول ہوئی ہے جس میں انہوں نے کہا ہےکہ قابض اسرائیل کے ساتھ قیدیوں کے تبادلے کے معاہدے کے فریم ورک کے اندر القسام بریگیڈز نے کل بروز ہفتہ، 01-25-2025 کو چار خواتین قیدیوں سپاہی کرینہ عریف،، سپاہی ڈینیئل گلبوا، سپاہی ناما لیوی اور سول خاتون لیری ایلباگ کو رہا کرنے کا فیصلہ کیا ہے۔
مغربی کنارے میں حماس کے سربراہ زاہر جبارین نے تصدیق کی ہے کہ حماس نے ثالثوں کو جمعے کو چار اسرائیلی قیدیوں کے ناموں پر مشتمل ایک فہرست کے حوالے کرے گی، جو کہ تبادلے کے معاہدے کے پہلے مرحلے کے دوسرے بیچ کے حصے کے طور پر ہے۔ .
جبارین نے جمعرات کو اخباری بیانات میں وضاحت کی کہ غزہ کی پٹی کے لوگ ہفتے کے روز سے جنوب سے شمال کی طرف نقل مکانی شروع کر دیں گے۔”نیٹزارم” کے علاقے میں گاڑیوں کا معائنہ قطری اور مصری نگرانی میں کیا جائے گا۔
