غزہ (مرکزاطلاعات فلسطین فاوؑنڈیشن)ماہرین اور مقبوضہ بیت المقدس کے معاملات میں دلچسپی رکھنے والوں نے القدس کے تشخص کو قائم رکھنے کی جدوجہد کے تناظر میں میڈیا کے کردار کی اہمیت پر زور دیتے ہوئے مشرقی یروشلم کو یہودیانے کے اسرائیلی قابض دشمن کے پانچ سالہ منصوبے کو بے نقاب کرنے کے لیے میڈیا حکمت عملی تیار کرنے کی ضرورت پر زوردیا ہے۔ .
ماہرین نے فلسطینی میڈیا فورم کی جانب سے زوم کے ذریعے منعقدہ ایک آن لائن میٹنگ کے دوران خبردار کیا کہ مشرقی یروشلم کو یہودیانے کے لیے اسرائیلی قابض ریاست نے نیا پانچ سالہ نام نہاد ترقیاتی پلان ترتیب دیا ہے۔ انہوں نے کہا کہ اس پلان کا مقصد القدس کی اسلامی اور عرب شناخت کو یہودی اور عبرانی شناخت میں تبدیل کرنا ہے۔
فورم میں یروشلم کے اوقاف کے ڈپٹی ڈائریکٹر الشیخ ناجح بکیرات، یروشلم کے محقق ماہر الصوص اور صحافی سمیر خوایرا نے میڈیا کے پیشہ ور افراد اور دلچسپی رکھنے والے افراد کے ایک گروپ نے شرکت کی۔
پوری مسلم امہ کی جنگ
الشیخ بکیرات نے کہا کہ مسجد اقصیٰ کی جنگ پوری مسلم امہ کی جنگ ہے، یہ اس قوم کے عروج و زوال کے درمیان فرق ہے۔ انہوں نے زور دے کر کہا کہ اسرائیلی ریاست کے جرائم اور اس کے مکروہ چہرے کو پوری دنیا میں میڈیا کے ذریعے بے نقاب کیا جا سکتا ہے۔
انہوں نے میڈیا کے پیشہ ور افراد اور صحافیوں سے یروشلم کے دفاع کے منصوبے پر اعتماد بحال کرنے کی ضرورت پر زور دیتے ہوئے کہا: “ہمیں یہ سمجھ لینا چاہیے کہ اس دشمن نے، جو ہماری سرزمین پر قابض ہے، اس پر فوجی قبضہ کرنے سے پہلے فکری، میڈیا اور ثقافتی طور پر قبضہ جمانےکی کوشش کی ہے۔
انہوں نے واضح کیا کہ یروشلم کو میڈیا جنگ کا سامنا ہے۔ قابض دشمن میڈیا کو پہلی اتھارٹی کے طور پر استعمال کرتا ہے۔اس کے ذریعے وہ اپنا جھوٹا بیانیہ پیش کرتا ہے اور فلسطینیوں کی تحریک آزادی کی جدو جہد کو مسخ کرکے پیش کرتا ہے۔
انہوں نے کہا کہ میڈیا کو 3 اہم بنیادوں پر مبنی ہونا چاہیے، جن میں سے پہلی “یروشلم کے سامنے آنے والی تفصیلات اور شہر کی حقیقت کی نوعیت کے بارے میں مکمل علم ہونا چاہیے۔ دوسرا وہ اعتماد ہے جو میڈیا کے پیشہ ور افراد کو اس مسئلے سے نمٹنے میں ہونا چاہیے، اہم مسئلے پر توجہ مرکوز کرنے کی ضرورت ہے، کہ یہ مسئلہ کسی خطے پر تنازع یا تصادم نہیں ہے، بلکہ ایک دشمن ریاست کے خلاف آزادی کی جنگ ہے جو دشمن اس وطن کی حقیقی قوم کو ختم کرنا چاہتا ہے۔
فلسطینی بیانیہ
اس موقعے پر یروشلم کے محقق ماہر الصوص نے اس بات پر زور دیا کہ یروشلم کی شناخت پر توجہ دینا پہلے ہی لمحے سے قابض اسرائیل کی کوشش ہی ہے۔ قابض ریاست القدس کو فلسطین کے دوسرے علاقوں سے الگ تھلگ کرنے کے اقدامات کر رہے ہیں۔ اس کے اطراف میں یہودی بستیوں کاجال بچھایا جا رہا ہے۔ پانچ سالہ منصوبہ نیا نہیں ہے بلکہ یہ اس منصوبے کا تسلسل ہے جو برسوں سے القدس پر صہیونی قبضہ مضبوط کرنے کے لیے جاری ہے۔
انہوں نے نشاندہی کی کہ اس قابض ریاست نے یروشلم کے تعلیمی نصاب سے عرب اور اسلامی تشخص کو مٹانے اور خطے میں اپنی شناخت ثابت کرنے کی کوشش کے تناظر میں نشانہ بنایا۔
انہوں نے اسرائیلی قابض ریاست کے بیانیےکو تسلیم نہ کرتے ہوئے انجمنوں اور میڈیا اداروعن کے کردار پر زور دیا۔ انہوں نے کہا کہ میڈیا کے ذریعے عالمی سطح پر اسرائیلی بیانیے کے خلاف فلسطینی بیانئیے کو پیش کیا جائے اور اسرائیلی ریاست کے جرائم کو بے نقاب کیا جائے۔
اسرائیلی میڈیا آرمی
صحافی سامر خویرا نے کہا کہ “قابض ریاست میڈیا کی ایک فوج بناتی ہے اور دنیا بھر کی 80 زبانوں میں بات چیت کرتی ہے۔ اپنے بیانیے کو مستقل طور پر بھیجتی اور پھیلاتی ہے۔ قابض ریاست اپنے اس گمراہ کن بیانیے میں فلسطینیوں، عربوں اور مسلمانوں کے خلاف گمراہ کن مہم کے طور پر پھیلاتا ہے۔
انہوں نے کہ اپنے پروپگنڈے کو موثر بنانے کے لیے عربی زبان میں بیانیہ پیش کرتا ہے۔
انہوں نے مزید کہا کہ میڈیا کی جنگ فوجی جنگ سے کم خطرناک نہیں ہے۔ ایسا لگتا ہے کہ جس نے پانچ سالہ منصوبہ لکھا اس نے میڈیا کے ماہرین کی مدد لی تاکہ سب کو اس پر قائل کیا جا سکے اور ہر کوئی اسے قبول کر لے، اس لیے پلان لازمی ہے۔ اس کی تردید کی جائے اور اسے بے نقاب کیا جائے اور اس میں چھپے زہر کو بے نقاب کیا جائے، یروشلم کے بارے میں قابض ریاست کے منصوبوں کو بے نقاب کرنے اور قومی مقاصد کی خدمت کے لیے سوشل میڈیا پلیٹ فارم پر سرمایہ کاری کرنے کی ضرورت پر زور دیا۔
انہوں نے بات جاری رکھتے ہوئے کہا کہ “ہر کسی کو پانچ سالہ منصوبے کو آزاد، متعصب، عرب اور بین الاقوامی میڈیا میں بے نقاب کرنے کے لیے کام کرنا چاہیے، پانچ سالہ منصوبے کو بے نقاب کرنے کے لیے یروشلم میں اثر و رسوخ رکھنے والوں اور مشہور شخصیات تک رسائی حاصل کرنے کی ضرورت پر زور دیتے ہوئے خویرا نے مشرقی یروشلم کو یہودیانے کے پانچ سالہ منصوبے کا مقابلہ کرنے کے لیے مقامی، بین الاقوامی اور عالمی ٹیم کی تشکیل پر زور دیا۔
