دارالخلافے (مرکزاطلاعات فلسطین فاؤنڈیشن) اسلامی تحریک مزاحمت ’حماس‘ نے غزہ کی پٹی کی حمایت اور نسل کشی کے خاتمے کے مطالبے کے لیے عالمی گیر احتجاج کی کال کے جواب میں دنیا بھر میں مظاہرے، ریلیاں اور جلسے جلسوس منعقد کیے جا رہےہیں۔
آج سوموار کے روز دنیا کے کئی ممالک کے شہروں میں فلسطینیوں کی حمایت اور اسرائیلی جنگی جرائم کے خلاف وسیع پیمانے پر احتجاجی مظاہروں میں لاکھوں شہریوں نے شرکت کی۔
مرکزاطلاعات فلسطین کے مطابق عرب ممالک اردن، کویت، مصر، مراکش اور تیونس کے اداروں اور یونینوں نے فلسطینیوں کی حمایت میں ہڑتال اورمظاہرے کیے۔
فلسطینی وزارت تعلیم نے غرب اردن میں سکول بند کردیے جب کہ غزہ کی حمایت میں سرکاری دفاتر بھی بند رہے۔ بیت المقدس اور مقبوضہ مغربی کنارے میں شٹرڈاؤن اور پہیہ جام ہڑتال کی گئی۔
کینیڈا میں روزمرہ کے کاروبار کو روک دیا گیا، دکانیں بند رہیں اور سفارت خانوں کے سامنے مظاہروں کا اہتمام کیا گیا جن میں عرب عوام اور بین الاقوامی برادری سے وسیع پیمانے شرکت کی۔
ترکیہ کے شہر قونیہ میں “غزہ کے لیے ہڑتال” کی گئی۔دکانوں کے مالکان غزہ کی حمایت میں عالمی ہڑتال میں بھرپور شرکت کی۔
