اسلام آباد (مرکزاطلاعات فلسطین فاؤنڈیشن) وفاقی کابینہ سے خطاب میں وزیراعظم پاکستان شہباز شریف نے اسرائیلی حملے کو پاکستان کے برادر ہمسایہ ملک ایران کے خلاف کھلی جارحیت قرار دیا۔
انہوں نے کہا کہ ایران پر اسرائیلی جارحیت کے نتیجے میں سیکڑوں ایرانی شہید اور زخمی ہوچکے ہیں، پاکستان نے ہر سطح پر اسرائیلی حملے کی مذمت کی ہے۔
وزیراعظم کا کہنا تھا کہ پہلے دن ہی انہوں نے ایرانی صدر کو فون کرکے پاکستان کی جانب سے یکجہتی کا اظہار کرتے ہوئے کہا تھا کہ عالمی برادری جنگ روکنے کے لیے اقدامات کرے۔
