غزہ – (مرکزاطلاعات فلسطین فاؤنڈیشن) غزہ کی پٹی میں پولیس کے محکمہ انسداد منشیات نے تلاشی کی کارروائیوں اور فیلڈ مانیٹرنگ کے دوران قبضے میں لی گئی منشیات کی ایک بڑی مقدار کو تلف کر دیا ہے۔ یہ کارروائی ایک مخصوص کمیٹی کی موجودگی میں اور منظور شدہ قانونی طریقہ کار کے مطابق انجام دی گئی، جو اس سماجی ناسور کے پھیلاؤ کو روکنے کے لیے جاری مسلسل کوششوں کا حصہ ہے۔
محکمہ انسداد منشیات نے اتوار کے روز ایک پریس بیان میں تصدیق کی ہے کہ تلف کی گئی اشیاء میں تقریباً 2300 مختلف اقسام کی نشہ آور گولیاں شامل ہیں، جن میں “سعادہ” (ایکسٹیسی)، “روتانا”، “ٹرامال” اور دیگر ادویات شامل ہیں۔ اس کے علاوہ 502 گرام حشیش اور “بانجو” کے 30 ٹکڑے بھی نذرِ آتش کیے گئے۔
محکمے نے اشارہ کیا کہ یہ تمام ممنوعہ اشیاء گذشتہ ہفتوں کے دوران مختلف کارروائیوں کے نتیجے میں برآمد ہوئی تھیں۔ بیان میں مزید تاکید کی گئی کہ منشیات کے دھندے میں ملوث افراد کے خلاف سکیورٹی مہم بھرپور طریقے سے جاری رہے گی تاکہ معاشرے میں امن و استحکام اور تحفظ کی صورتحال کو مزید مستحکم کیا جا سکے۔
