غزہ ۔ مرکزاطلاعات فلسطین فاؤنڈیشن
قابض اسرائیلی فوج نے مغربی خان یونس کے علاقے المواصی میں واقع بے گھر فلسطینیوں کے خیموں کو نشانہ بنایا، جس کے نتیجے میں چھ شہری شہید اور 32 دیگر زخمی ہوئے، جن میں بچے بھی شامل ہیں۔
طبی ٹیموں نے کویتی ہسپتال التخصصی فیلڈ ہسپتال میں چھ شہداء، جن میں دو بچے شامل تھے، کو منتقل کیا اور زخمیوں کو طبی امداد فراہم کی۔
نامہ نگار کے مطابق قابض اسرائیلی بمباری نے خیمے کو نشانہ بنایا جو کویتی ہسپتال کے قریب واقع تھا، جس کے نتیجے میں چھ افراد شہید اور دس دیگر شدید زخمی ہوئے۔
شہداء میں غادہ محمود محمد ابو حسین، عمر 46 سال ، فتحی فوزی علی ابو حسین، عمر 36 سال، اسراء محمد علی ابو حسین، عمر 30 سال، بچہ محمد فتحی فوزی ابو حسین، عمر 10 سال اور بچہ بلال فتحی فوزی ابو حسین عمر 8 سال شامل ہیں۔
قابض اسرائیلی فوج مسلسل اعلان شدہ سیز فائر کی خلاف ورزی کر رہی ہے، جو حماس اور قابض اسرائیل کے درمیان 10 اکتوبر سنہ 2023ء کو نافذ ہوا تھا۔ اس دوران مسلسل بمباری، فائرنگ اور شہریوں کے مکانات کو تباہ کیا جا رہا ہے۔
یہ واقعہ واضح طور پر غزہ کی شہری آبادی کے خلاف قابض اسرائیل کی منظم سفاکیت اور انسانی حقوق کی سنگین خلاف ورزی کو ظاہر کرتا ہے۔
