اسرائیلی جارحیت جاری، غزہ میں ایک اور فلسطینی خاتون زندگی سے محروم

غزہ ۔ مرکزاطلاعات فلسطین فاؤنڈیشن

آج جمعہ کے روز قابض اسرائیلی افواج کی فائرنگ سے ایک فلسطینی خاتون شہید ہوگئیں، جبکہ قابض اسرائیل کے جنگی طیاروں نے شمالی اور جنوبی غزہ پر متعدد وحشیانہ فضائی حملے کیے۔ اسی دوران وسطی غزہ میں شدید فائرنگ کی گئی، جس سے فائر بندی کے مسلسل جارحانہ کارروائی جاری ہیں۔

مقامی ذرائع کے مطابق میساء جابر العطار نامی خاتون کو ایک اسرائیلی ڈرون نے العطاطرہ کے علاقے میں شمال مغربی غزہ میں نشانہ بنا کر شہید کیا۔

ادھر مقامی ذرائع نے بتایا کہ خان یونس کے جنوب مشرقی علاقے میں قابض اسرائیل کے طیاروں نے فضائی حملے کیے۔

اسی طرح شمالی غزہ کے قصبے بیت لاہیا کے مشرق میں یلو لائن کے اندر قابض افواج نے بھاری گولہ باری کی۔

مقامی میڈیا اداروں کے مطابق قابض اسرائیل کے جنگی طیاروں نے شہرِ غزہ کے شمال مغربی حصے پر دو مزید فضائی حملے بھی کیے۔

ذرائع نے یہ بھی بتایا کہ قابض اسرائیلی فوجی گاڑیوں نے خان یونس کے جنوب مشرقی علاقے، دَیر البلح کے جنوب مشرق اور وسطی غزہ میں اندھا دھند فائرنگ کی۔

گذشتہ روز جمعرات کو غزہ کی وزارت صحت نے اعلان کیا تھا کہ سنہ اکتوبر 2023 سے جاری قابض اسرائیل کی نسل کشی میں شہداء کی مجموعی تعداد بڑھ کر 69 ہزار 187 ہو گئی ہے، جبکہ 1 لاکھ 70 ہزار 703 زخمی ہو چکے ہیں۔

وزارت صحت نے یہ بھی واضح کیا کہ اب بھی متعدد شہداء کے جسد خاکی تباہ شدہ گھروں کے ملبے تلے اور کھلے راستوں میں موجود ہیں، جہاں ایمبولینس اور سول ڈیفنس کی ٹیمیں قابض اسرائیل کی مسلسل گولہ باری کے باعث رسائی حاصل نہیں کر پا رہیں۔

انسانی جانوں کے اس عظیم نقصان کے ساتھ ساتھ قابض اسرائیل کی امریکہ کی پشت پناہی سے جاری اس دو سالہ نسل کشی کی جنگ نے غزہ کی شہری بنیادی ڈھانچے کا 90 فیصد حصہ ملبے میں بدل دیا ہے، جبکہ ابتدائی تخمینہ کے مطابق تباہی کا مالی نقصان 70 ارب ڈالر تک پہنچ چکا ہے۔