غزہ (مرکز اطلاعات فلسطین فاؤنڈیشن ) غزہ سے موصولہ اطلاعات کے مطابق قابض اسرائیل کے تین فوجی غزہ شہر میں ہونے والی جھڑپ کے دوران زخمی ہوگئے۔
عبرانی ذرائع نے اس کی تصدیق کرتے ہوئے بتایا کہ صہیونی فوجیوں کو غزہ شہر میں جھڑپ کے دوران نشانہ بنایا گیا۔
واضح رہے کہ قابض اسرائیل کی افواج نے رواں ماہ کے آغاز سے ہی غزہ پر اپنی جارحیت میں شدت پیدا کر رکھی ہے، مسلسل فضائی و زمینی حملے کیے جا رہے ہیں، رہائشی عمارتوں اور بلند و بالا ٹاوروں کو ملبے کے ڈھیر میں تبدیل کیا جا رہا ہے اور گھروں کے بیچ دھماکہ خیز گاڑیاں اڑا کر شہری آبادی کو وحشیانہ بمباری کا نشانہ بنایا جا رہا ہے۔
یاد رہے کہ قابض اسرائیل نے 7 اکتوبر سنہ2023ء سے غزہ پر ہمہ گیر جنگ مسلط کر رکھی ہے جس کے دوران غزہ کے نہتے عوام پر قتل عام، تباہ کن بمباری اور قحط مسلط کرنے کی پالیسی اختیار کی گئی ہے۔ اس کے باوجود فلسطینی مزاحمتی جماعتیں بالخصوص القسام بریگیڈز مسلسل میدان میں دشمن کے سامنے ڈٹی ہوئی ہیں اور مختلف محاذوں پر قابض فوج کو بھاری جانی و مالی نقصان سے دوچار کر رہی ہیں۔
