غزہ (مرکز اطلاعات فلسطین فاؤنڈیشن ) قابض اسرائیل کی جیلوں میں موجود فلسطینی قیدیوں کی تعداد نے ایک نیا ریکارڈ قائم کر دیا ہے۔ یکم ستمبر تک مجموعی تعداد 11 ہزار 40 ہو گئی، یہ اعداد و شمار اسرائیلی انسانی حقوق کی تنظیم “ہاموکید” نے جاری کیے ہیں۔
ہاموکید کے مطابق یہ اعداد و شمار قابض اسرائیل کی جیل انتظامیہ کی معلومات پر مبنی ہیں اور اب تک کا سب سے زیادہ رجسٹرڈ ریکارڈ ہے۔
تنظیم نے بتایا کہ فلسطینی قیدیوں میں سے نصف سے زیادہ افراد قانونی کارروائیوں سے باہر قید میں ہیں۔ ان میں 3 ہزار 577 قیدی “انتظامی قیدی” کہلاتے ہیں اور 2 ہزار 662 افراد کو “غیر قانونی جنگجو” قرار دیا گیا ہے۔
ہاموکید نے واضح کیا کہ بیشتر “جنگجو” قیدی گذشتہ سنہ2023ء سے جاری قابض اسرائیل کی نسل کشی کی جنگ کے دوران گرفتار کیے گئے۔
قابض اسرائیل نے غزہ پر سنہ2023ء میں شروع کی جانے والی نسل کشی کے بعد ایک حکم جاری کیا جس میں کہا گیا کہ غزہ کے تمام گرفتار افراد کو “غیر قانونی جنگجو” تصور کیا جائے۔
قانون کے تحت فلسطینیوں کو وہ لوگ گرفتار کر سکتے ہیں جن پر اسرائیل کے خلاف “دشمنی کے اعمال” کا شبہ ہو یا جو کسی ایسی فورس کے رکن ہوں جو “دشمنی کے اعمال” کر رہی ہو۔ انہیں بغیر کسی سرکاری الزام نامے کے اور بغیر ٹھوس ثبوت پیش کیے عدالت میں پیش کیے بغیر بھی لا محدود مدت تک قید رکھا جا سکتا ہے، بحیثیت سرکاری خفیہ فائل کے۔
انتظامی قید کے تحت مشتبہ افراد کو سیکورٹی کے نام پر چھ ماہ یا اس سے زائد عرصے کے لیے گرفتار کیا جا سکتا ہے، چاہے ان پر رسمی طور پر کوئی الزام نہ ہو۔ ایسا اس وقت ہوتا ہے جب افراد کسی جرم میں ملوث ہوں مگر ان کے خلاف کافی شواہد موجود نہ ہوں۔
