غزہ ۔ (مرکز اطلاعات فلسطین فاؤنڈیشن ) اسلامی تحریک مزاحمت “حماس” کے عسکری ونگ القسام بریگیڈز نے اعلان کیا ہے کہ اس کے مجاہدین نے غزہ شہر کے الزيتون محلے کے جنوب میں قابض اسرائیل کا ایک فوجی بلڈوزر تباہ کر دیا۔
القسام بریگیڈز نے اپنی ٹیلیگرام چینل پر جاری بیان میں کہا کہ ہمارے مجاہدین نے اس بات کی تصدیق کی ہے کہ گذشتہ اتوار کی شام المناصرہ کے میدان میں قابض اسرائیل کی D9 قسم کی فوجی بلڈوزر کو نشانہ بنا کر مکمل طور پر تباہ کر دیا گیا۔
واضح رہے کہ 7 اکتوبر 2023ء کو غزہ پر قابض اسرائیل کے وحشیانہ حملوں کے آغاز سے اب تک فلسطینی مزاحمتی تنظیمیں، خصوصاً القسام بریگیڈز، ہر محاذ پر دشمن کا ڈٹ کر مقابلہ کر رہی ہیں اور قابض فوج کو بھاری جانی نقصان اٹھانے پر مجبور کر رہی ہیں۔
