غزہ ۔ (مرکز اطلاعات فلسطین فاؤنڈیشن ) اسلامی تحریک مزاحمت حماس کے عسکری ونگ القسام بریگیڈز نے اعلان کیا ہے کہ جنوبی غزہ کے علاقے الزيتون کے گردونواح میں ایک خندق نما گھات میں قابض دشمن کی فوجی دستے اور مشینری کو اینٹی پرسنل ڈیوائسز اور زیر زمین دھماکہ خیز مواد سے نشانہ بنایا گیا ہے۔
القسام بریگیڈز نے پیر کے روز بیان میں بتایا کہ یہ کارروائی گذشتہ ہفتےکے روز انجام پائی۔ مناظر سے معلوم ہوا کہ قابض فوج نے ہلاک اور زخمی ہونے والے فوجیوں کو نکالا اور نشانہ بننے والی مشینری کو شدید فائر کے سائے تلے ہٹایا گیا۔
اسی طرح اسلامی جہاد کے عسکری ونگ سرایا القدس کے عسکری بازو نے اعلان کیا کہ ا نہوں نے جنوب مشرقی الزيتون میں الفرقان سکول کے اندر قابض اسرائیل کے کمانڈ اینڈ کنٹرول مرکز کو مورٹار گولوں (کیلیبر 60) سے نشانہ بنایا۔
فلسطینی مزاحمت القسام بریگیڈز کی قیادت میں، غزہ میں قابض فوج کی پیش قدمی کا مقابلہ جاری رکھے ہوئے ہے، یہ کارروائیاں 22 مہینوں سے جاری اسرائیلی جارحیت کے خلاف جاری ہیں۔
