غزہ – (مرکز اطلاعات فلسطین فاؤنڈیشن ) اسلامی تحریک مزاحمت حماس کے عسکری ونگ القسام بریگیڈز نے اعلان کیا کہ اس کے مجاہدین نے مشرقی غزہ میں قابض اسرائیل کے ایک کمانڈ اینڈ کنٹرول سینٹر کو نشانہ بنایا ہے۔
القسام بریگیڈز نے اپنے ٹیلیگرام چینل پر جاری بیان میں کہا کہ ہمارے مجاہدین نے غزہ شہر کے مشرقی علاقے التفاح میں واقع تلہ الصورانی پر دشمن کے کمانڈ اینڈ کنٹرول مرکز کو متعدد مارٹر گولوں سے نشانہ بنایا۔
بیان میں مزید کہا گیا کہ 7 اکتوبر سنہ2023ء کو قابض اسرائیل کے غزہ پر بربرانہ حملے کے آغاز سے اب تک مزاحمتی دھڑوں خصوصاً القسام بریگیڈز نے ہر محاذ پر دشمن کا ڈٹ کر مقابلہ کیا ہے اور مختلف محاذوں پر قابض فوج کو جانی و عسکری نقصان پہنچایا ہے۔
