ماسکو(مرکزاطلاعات فلسطین فاؤنڈیشن) روس کے صدر ولادیمیر پوتین نے اسرائیل کے ساتھ قیدیوں کے تبادلے کے حالیہ معاہدے کے ایک حصے کے طور پر ایک روسی شہری کو رہا کرنے پر حماس کی قیادت کا شکریہ ادا کیا اور اس بات پر زور دیا کہ تحریک نے ان کے ساتھ انسانی سلوک کیا ہے۔
انادولو نیوز ایجنسی کے مطابق پوتین کے یہ ریمارکس بدھ کو اپنے ہم وطن الیگزینڈر تروفانوف اور ان کے اہل خانہ سے ملاقات کے دوران سامنے آئے۔
پوتن نے کہا کہ “روس اور فلسطینی عوام کے درمیان مضبوط تعلقات نے تروفانوف کی رہائی میں اہم کردار ادا کیا”۔
انہوں نے مزید کہاکہ “مجھے یقین ہے کہ ہمیں حماس کی سیاسی قیادت کا شکریہ ادا کرنا چاہیے کہ انہوں نے ہماری اپیل کا جواب دیا اور اس انسانی ہمدردی کے اقدام کو انجام دیتے ہوئے روسی شہری الیگزینڈر تروفانوف کو رہا کیا۔
اگرچہ پوتین نے بدھ کی شام تروفانوف کے ساتھ ملاقات کے دوران خطے کی مجموعی صورت حال کا کوئی سیاسی جائزہ پیش نہیں کیا، تاہم انہوں نے غزہ میں بقیہ قیدیوں کی رہائی کے عمل کا حوالہ دیتے ہوئے کہا کہ ماسکو “ان کامیابیوں کو مسلسل دہرانے کے لیے اپنی پوری کوشش کرے گا”۔
