صنعاء (مرکزاطلاعات فلسطین فاؤنڈیشن) یمنی مسلح افواج نے آج بدھ کی صبح اعلان کیا کہ انہوں نے یمنی فضائی حدود میں “دشمن مشن” کے دوران ایک “دشمن” امریکی ڈرون کو مار گرایا ہے۔ واضح رہے کہ یہ تیسرا طیارہ ہے جسے 10 دنوں کے اندر مار گرایا گیا ہے۔
یمنی مسلح افواج کے سرکاری ترجمان بریگیڈیئر جنرل یحییٰ سریع نے آج صبح جاری ایک پریس بیان میں بتایا کہ یہ کارروائی یمن کے خلاف جاری امریکی جارحیت اور یمنی عوام کے خلاف ہونے والے ہولناک قتل عام کے جواب میں کی گئی ہے۔
یمنی مسلح افواج کا الجوف گورنری کی فضائی حدود میں دشمنانہ کارروائیوں کے دوران فضائی دفاع کے ذریعے امریکی MQ-9 ڈرون کو مار گرائے جانے کا بیان۔ ڈرون کو مقامی طور پر تیار کردہ سطح سے فضا میں مار کرنے والے میزائل کا استعمال کرتے ہوئے مار گرایا گیا۔ یہ دس دنوں میں تیسرا اور غزہ کی حمایت میں جنگ عظیم اور مقدس جہاد کے دوران اٹھارہواں ڈرون ہے جسے مار گرایا گیا ہے۔
سریع نے رپورٹ کیا کہ یمنی فضائی دفاعی فورسز نے “ایک امریکی MQ-9 ڈرون کو اس وقت مار گرانے میں کامیابی حاصل کی جب اسے مقامی طور پر تیار کردہ ایک میزائل کا استعمال کرتے ہوئے الجوف گورنری کی فضائی حدود میں نشانہ بنایا گیا۔
انہوں نے نشاندہی کی کہ “یہ تیسرا ڈرون ہے جسے یمنی فضائی دفاع نے 10 دنوں میں مار گرانے میں کامیابی حاصل کی ہے۔
بیان میں لکھا گیا ہےکہ “یمن کی مسلح افواج غزہ کے لیے اپنی مسلسل حمایت کی تصدیق کرتی ہیں، کہ وہ یمن کے خلاف کسی بھی جارحیت کا مقابلہ کرنے کے لیے اپنے دفاعی مشن کو جاری رکھیں گے۔ ان کی کارروائیاں اس وقت تک بند نہیں ہوں گی جب تک کہ غزہ کے خلاف جارحیت بند نہیں ہو جاتی اور محاصرہ ختم نہیں ہو جاتا”۔
