مقبوضہ بیت المقدس (مرکزاطلاعات فلسطین فاؤنڈیشن) مسجداقصیٰ کے مبلغ الشیخ عکرمہ صبری نے زور دیا ہے کہ ہر فلسطینی، مسلمان اور انسان کا فرض ہے کہ وہ عام ہڑتال کی کال کا جواب دے اور مصیبت زدہ غزہ کی پٹی کی حمایت کے لیے سرگرمیوں میں حصہ لے۔
شیخ عکرمہ صبری نے پریس بیانات میں اس بات پر زور دیا کہ غزہ کے مصائب میں مدد کرنے کے لیے ہم سب سے کم از کم ہڑتال کر سکتے ہیں۔
غزہ کی حمایت میں ہڑتال کی کال کے جواب میں پٹی میں قابض فوج کے ہاتھوں قتل عام کی مذمت میں آج پیر کی صبح مغربی کنارے اور مقبوضہ بیت المقدس میں عام ہڑتال کی گئی۔
مغربی کنارے کے مختلف علاقوں میں بڑے پیمانے پر ہڑتال دیکھنے میں آئی، دکانیں، سکول اور سرکاری ادارے بند رہے۔
غزہ میں فوج قابض فوج کے قتل عام کی مذمت کرتے ہوئے آج صبح سویرے مقبوضہ بیت المقدس کے قصبے الطور میں نوجوانوں نے ٹائروں اور کنٹینرز کو آگ لگا دی اور سڑکیں بلاک کر دیں۔
قابض فوج کے ساتھ تصادم جاری رکھنے کی عوامی کالوں کے درمیان یونیورسٹیاں، سکول، بینک، دکانیں اور سرکاری اور سول ادارے بند کر دیے گئے۔
سوشل میڈیا پلیٹ فارمز پر سرگرم کارکنوں نے غزہ کی پٹی کے عوام کے ساتھ اظہار یکجہتی کے لیے پوری دنیا میں عام ہڑتال کی دی گئی ہے جس میں اسرائیلی قابض افواج کی جانب سے جاری تباہی کی جنگ کا سامنا ہے۔
حماس کے رہنما عبدالرحمن شدید نے فلسطینی عوام سے مطالبہ کیا کہ وہ عام ہڑتال میں شرکت کریں اور مغربی کنارے میں غم وغصے کا اظہار کرتے ہوئےبڑے عوامی مظاہروں میں شرکت کریں۔
