غزہ (مرکزاطلاعات فلسطین فاؤنڈیشن) فلسطینی محکمہ امور اسیران اور انسانی حقوق کی تنظیم کلب برائے اسیران نے کہا ہے کہ انہیں قابض اسرائیلی قابض فوج کے زیر حراست غزہ کی پٹی سے 33 قیدیوں کے حراستی مقامات کے بارے میں جوابات موصول ہوئے ہیں۔
اتوار کو مرکزاطلاعات فلسطین کی طرف سے موصول ہونے والے ایک مشترکہ بیان میں واضح کیا کہ انہیں غزہ سے اسرائیلی جیلوں اور کیمپوں میں قیدیوں کے مقامات کی تفصیل کے جوابات موصول ہوئے ہیں۔
انہوں نے مزید کہاکہ “ہمیں کسی دوسرے گروپ (غزہ کے قیدیوں) کے بارے میں کوئی اطلاع نہیں ملی ہے۔
انسانی حقوق کی تنظیموں نے اپنے سوشل میڈیا پلیٹ فارمز بالخصوص ٹیلی گرام پر 7 اکتوبر 2023 سے غزہ کی پٹی سے قابض فوج کے ہاتھوں گرفتار کیے گئے 33 قیدیوں کے نام شائع کیے ہیں۔
انہوں نے وضاحت کی کہ قابض فوج نے 12 قیدیوں کو عوفر ملٹری جیل میں رکھا ہوا ہے، جن میں سعد رشاد عثمان عزام، محمد کید یاسین، احد ہلال اسماعیل غبین، نفیز محمد العجلا، نبیل مازن نبیل محمود، محمد ابراہیم خلیل جوہا، محمد جمال علی حمدان، عبدالمجید المعزیز، عبد المعزیز، سیم احمد فاتح تیمہ اور یوسف محمود محمد تیم شامل ہیں۔
انہوں نے نشاندہی کی کہ “سدی تیمان” جیل میں 5 قیدی حسین خضر ابو علیوا، ابراہیم صلاح دیب ریان، مصعب جمیل عبدالمجید کفرنا، محمد حسن علی ادیس اور مازن محمد جراد پابند سلاسل ہیں۔
قابض اسرائیل کی صحرائے نقب جیل میں 7 قیدیوں کو عثمان نمر عثمان وادی، وسیم ابراہیم ابو جامعہ، عبدالحکیم ایمن شافعی، محمود ناصر احمد ہندی، محمود فتحی احمد حواجرہ، محمد کامل محمود اکاد اور ابراہیم فواد نعمان جوارشے قید ہیں۔
انسانی حقوق کی تنظیموں نے اطلاع دی ہے کہ قابض فوج نے سیف الدین عاطف ابو سیریا، مہدی مصطفیٰ نعمان حسنین اور حسن دیب سمور کو نفحہ جیل میں قید کر رکھا ہے۔
قابض فوج نے قیدی نعیم یاسین قتینا کو رامون جیل میں قید کیا ہے ہے۔ مقبوضہ یروشلم ضلع کے شہر عناتا کے قریب اناتوت کیمپ میں فارس موسی فارس تنانی۔ جبکہ قیدی حسن احمد مصباح کو یروشلم کے مغرب میں مسکوبیہ حراستی اور تفتیشی مرکز میں رکھا گیا ہے۔
